കൊച്ചി: ആം ആദ്മി പാര്ട്ടി നേതാവ് അരവിന്ദ് കെജ്രിവാളിനെ ഒരു മലയാളം ചാനലിലെ മാധ്യമപ്രവര്ത്തക വെളിപ്പിക്കാന് നടത്തിയ ശ്രമം പൊളിച്ചത് ദല്ഹിയില് കെജ്രിവാളിന്റെ പ്രവ്രത്തനം നേരിട്ട് കണ്ട മറ്റൊരു മാധ്യമപ്രവര്ത്തകന്.
മലയാളത്തിലെ ഒരു ചാനല് നടത്തിയ ചാനല് ചര്ച്ചയിലാണ് യഥാര്ത്ഥ വില്ലനായ കെജ്രിവാളിന്റെ മുഖം തെളിഞ്ഞത്. പണക്കാരില് നിന്നും പണമെടുത്ത് പാവങ്ങള്ക്ക് നല്കുക എന്ന രാഷ്ട്രീയ നയം ഉള്ള നേതാവായിരുന്നു അരവിന്ദ് കെജ്രിവാള് എന്നാണ് മാധ്യമപ്രവര്ത്തക പറയാന് ശ്രമിച്ചത്. പക്ഷെ ഇവിടെ കെജ്രിവാളിന്റെ വീടാണ് വളര്ന്നത് എന്ന് ദല്ഹിയില് പ്രവര്ത്തിച്ച മലയാളി മാധ്യമപ്രവര്ത്തകന് പറഞ്ഞതോടെ കെജ്രിവാളിനെ വെളുപ്പിക്കാന് ശ്രമിച്ച മാധ്യമപ്രവര്ത്തകയുടെ കാറ്റ് പോയി.
“അവിടെ പാവങ്ങളല്ലെന്നും സാമ്പത്തികമായി മെച്ചപ്പെട്ടില്ല. ചേരികള് പഴയതുപോലെ ചേരികളായി നിന്നു. 2015ല് കെജ്രിവാള് രണ്ടാമതും അധികാരത്തില് വന്ന ശേഷം പിന്നീട് പത്ത് വര്ഷം ഭരിച്ചു. പക്ഷെ ആ ചേരികള്ക്കൊന്നും ഒരു മാറ്റവും വന്നില്ല. ആം ആദ്മി പാര്ട്ടി ഇത്രകാലം ഭരിച്ചിട്ടും ഇപ്പോഴും ആ ചേരികള് അവിടെ അതേ പോലെ നില്ക്കുന്നുണ്ട്. ഒരൊറ്റ ചേരി പോലും മെച്ചപ്പെട്ടില്ല. “- ദല്ഹിയില് പ്രവര്ത്തിച്ച് നേരിട്ട് കെജ്രിവാളിന്റെ പ്രവര്ത്തനങ്ങള് കണ്ട ആ മാധ്യമപ്രവര്ത്തകന് ഇത് പറഞ്ഞപ്പോള് കെജ്രിവാളിനെ വെളുപ്പിക്കാന് ശ്രമിച്ച മാധ്യമപ്രവര്ത്തകയ്ക്ക് ഉത്തരം മുട്ടി.
കെജ്രിവാള് സമ്പന്നനായി മാറി എന്ന രീതിയില് ബിജെപി കൊണ്ടുവന്ന പ്രചാരണം തെറ്റാണെന്ന് സമര്ത്ഥിക്കാനായി പിന്നീട് ആ പത്രപ്രവര്ത്തകയുടെ ശ്രമം. ദല്ഹിയില് പത്രപ്രവര്ത്തകനായി പ്രവര്ത്തിച്ചയാള് മാധ്യമപ്രവര്ത്തകയെ വീണ്ടും തിരുത്തി. കെജിവാളിന്റെ ശീഷ് മഹല് യഥാര്ത്ഥത്തിലുള്ള വീടായിരുന്നോ? അത് കണ്ടിട്ടുണ്ടോ എന്ന മാധ്യമപ്രവര്ത്തകയുടെ ചോദ്യത്തിന് ശീഷ് മഹല് എന്ന കെജ്രിവാളിന്റെ വീട് സമ്പന്നമായ വീട് തന്നെയാണെന്നും താന് നേരിട്ട് കണ്ടിട്ടുള്ളതാണെന്നും ദ്ഹിയില് പ്രവര്ത്തിച്ച മലയാളി പത്രപ്രവര്ത്തകന് അറിയിച്ചതോടെ കെജ്രിവാളിനെ വെളുപ്പിക്കാന് ശ്രമിച്ച ആ മാധ്യമപ്രവര്ത്തക കണ്ടം വഴി ഓടി.
(ആ മാധ്യമപ്രവര്ത്തക റിപ്പോര്ട്ടര് ടിവിയുടെ സ്മൃതി പരുത്തിക്കാടാണെങ്കില് കെജ്രിവാളിനെ പൊളിച്ചടുക്കിയത് ദീര്ഘകാലം ദല്ഹിയില് പ്രവര്ത്തിച്ച റിപ്പോര്ട്ടര് ടിവിയുടെ തന്നെ സുനില് ആണ്.)
