തൃശൂര് :മുണ്ടത്തിക്കോട് വെടിക്കെട്ട് അപകടത്തില് മരിച്ച നാലുപേരെ കൂടി ഡി.എന്.എ പരിശോധനയില് തിരിച്ചറിഞ്ഞു.പുതൂര്ക്കര അരങ്ങത്ത് വീട്ടില് ബാബുവിന്റെ മകന് അഭിജിത്ത് (27), തൃശൂര് മനക്കൊടി കൊളാട്ട് വീട്ടില് വിജയന്റെ മകന് വിഷ്ണു വിനോദ് (35), തൃശൂര് കോട്ടപ്പുറം ദേശം പള്ളത്ത് കരുമാലി വീട്ടില് മോഹനന്റെ മകന് ഗിരീഷ് (42), തൃശൂര് തെക്കുംകര ദേശം, ചോരത്ത് വീട്ടില് അയ്യപ്പന്റെ മകന് സുരേഷ് (50) എന്നിവരുടെ ശരീരഭാഗങ്ങളാണ് ഡി.എന്.എ പരിശോധനയിലൂടെ തിരിച്ചറിഞ്ഞത്.
ശരീരഭാഗങ്ങള് തിരിച്ചറിഞ്ഞവരുടെ ബന്ധുക്കളുമായി കളക്ടര് സംസാരിച്ചു. ശരീര ഭാഗങ്ങള് ബന്ധുക്കള്ക്ക് വിട്ടുനല്കാന് തീരുമാനമായി.
മുണ്ടത്തിക്കോട് അപകടത്തില് ഇതുവരെ 17പേരാണ് മരിച്ചത്. ചികിത്സയിലായിരുന്ന ഉണ്ണിക്കൃഷ്ണന് ഇന്നലെയും രാകേഷ് ഇന്നും മരിച്ചു.
