ന്യൂദല്‍ഹി: ആം ആദ്മി നേതാക്കള്‍ സ്വന്തം നേട്ടത്തിന് വേണ്ടി പ്രവര്‍ത്തിക്കുന്നവര്‍, ഇവിടുത്തെ പ്രവര്‍ത്താനന്തരീക്ഷം വിഷലിപ്തമാണെന്നും രാഘവ് ഛദ്ദ. ആം ആദ്മിയില്‍ നിന്നും കഴിഞ്ഞ ദിവസം രാഘവ് ഛദ്ദയുടെ നേതൃത്വത്തില്‍ ഏഴ് രാജ്യസഭാ എംപിമാരാണ് രാജിവെച്ച് ബിജെപിയില്‍ ചേര്‍ന്നത്.
ഒരാള്‍ക്ക് തെറ്റ് പറ്റാം. രണ്ട് പേര്‍ക്ക് തെറ്റ് പറ്റാം. പക്ഷെ ഏഴ് പേര്‍ക്ക് തെറ്റുപറ്റില്ലെന്നും രാഘവ് ഛദ്ദ പറഞ്ഞു. പാര്‍ലമെന്‍റില്‍ പ്രസംഗിക്കുന്നതിനും ആം ആദ്മിയില്‍ പ്രവര്‍ത്തിക്കുന്നതിനും അവര്‍ തന്നെ വിലക്കിയെന്നും രാഘവ് ഛദ്ദ കുറ്റപ്പെടുത്തി.
ആം ആദ്മിയെ തകര്‍ക്കാന്‍ ഗൂഢാലോചന നടത്തിയെന്ന അരവിന്ദ് കെജ്രിവാളിനൊപ്പം നില്‍ക്കുന്ന സൗരഭ് ഭരദ്വാജ് ഉയര്‍ത്തിയ വിമര്‍ശനങ്ങള്‍ക്ക് മറുപടി പറയുകയായിരുന്നു രാഘവ് ഛദ്ദ. വിദേശത്തെ അക്കൗണ്ടിംഗ് പഠനത്തിന് ശേഷം വിജയകരമായി ജോലി ചെയ്യുന്ന ചാര്‍ട്ടേഡ് അക്കൗണ്ടന്‍റാണ് രാഘവ് ഛദ്ദ. ബോളിവുഡ് നടി പരിണീതി ചോപ്രയാണ് രാഘവ് ഛദ്ദയുടെ ഭാര്യ.
എല്ലാ അധികാരങ്ങളും തന്നില്‍ കേന്ദ്രീകരിക്കുന്ന, തന്നേക്കാള്‍ കഴിവുള്ളവരെ അംഗീകരിക്കാന്‍ മനസ്സില്ലാത്ത കെജ്രിവാളിന്റെ മനോഭാവമാണ് 11 വര്‍ഷം ആയുസ്സുള്ള ആം ആദ്മിയുടെ തകര്‍ച്ചയ്‌ക്ക് കാരണം. ഒപ്പം പണം സമ്പാദിക്കാനും ആഡംബരജീവിതം നയിക്കാനുമുള്ള കെജ്രിവാളിന്റെ മോഹവും പാര്‍ട്ടിയുടെ വളര്‍ച്ചയ്‌ക്ക് വിലങ്ങ് തടിയായി.
