മെസിയും റൊണാള്‍ഡോയും കിളിച്ചു തുടങ്ങാനിരിക്കുന്ന ആരോഹെഡ്, എന്‍ആര്‍ജി

നിലവിലെ ലോകഫുട്‌ബോള്‍ ജേതാക്കളായ അര്‍ജന്റീന വരും ലോകകപ്പില്‍ അവരുടെ ആദ്യ മത്സരത്തിനായി ഇറങ്ങുന്ന വേദിയാണ് മിസ്യൂരിയിലെ കാന്‍സാസ് സിറ്റിയിലുള്ള ആരോഹെഡ് സ്‌റ്റേഡിയം. മറ്റ് മാറ്റങ്ങളൊന്നുമില്ലെങ്കില്‍ അള്‍ജീരിയക്കെതിരായ ആ മത്സരത്തിലായിരിക്കും ഇതിഹാസ താരം ലയണല്‍ മെസി 23-ാം ലോകകപ്പിലെ ആദ്യ കളിക്കിറങ്ങുന്നത്. ഇതടക്കം ഗ്രൂപ്പ് ഘട്ടത്തിലെ നാല് മത്സരങ്ങള്‍ക്കും രണ്ടാം റൗണ്ടിലെയും പ്രീക്വാര്‍ട്ടറിലെയും ഓരോ മത്സരത്തിനും ആരോഹെഡ് ആതിഥ്യമരുളും.

ഈ ലോകകപ്പിന് ഒരുക്കിയിട്ടുള്ള അമേരിക്കന്‍ സ്റ്റേഡിയങ്ങളില്‍ കാലപ്പഴക്കം കൂടുതല്‍ പറയാനുള്ള വേദി എന്ന് ആരോ ഹെഡിനെ വിശേഷിപ്പിക്കാം. ജിഇഎച്എ ഫീല്‍ഡ് എന്നാണ് ഇതിന്റെ ഔദ്യോഗിക നാമം എങ്കിലും ആരോഹെഡ് സ്‌റ്റേഡിയം എന്ന പേരിലാണ് അറിയപ്പെടുന്നത്. 1970കളില്‍ പൂര്‍ത്തിയായ ഈ സ്റ്റേഡിയത്തില്‍ 1972 മുതല്‍ അമേരിക്കന്‍ ഫുട്‌ബോള്‍ ലീഗായ നാഷണല്‍ ഫുട്‌ബോള്‍ ലീഗിന്(എന്‍എഫ്എല്‍) സാക്ഷിയായി വരുന്നു.

കളിച്ചുകൊണ്ടിരിക്ക ഇതിഹാസമായി മാറിയ ലോക ഫുട്‌ബോളര്‍മാരില്‍ ഒരാള്‍ മെസിയെങ്കില്‍ മറ്റയാള്‍ ആരെന്ന കാര്യത്തില്‍ ഒരു തര്‍ക്കവുമില്ല സാക്ഷാല്‍ ക്രിസ്റ്റിയാനോ റൊണാള്‍ഡോ തന്നെ. റോണോ ഉള്‍പ്പെടുന്ന പോര്‍ച്ചുഗലിന്റെ ആദ്യ പോരാട്ടത്തിനുള്ള വേദിയാണ് ടെക്‌സസിലെ ഹൂസ്റ്റണില്‍ സ്ഥിതി ചെയ്യുന്ന എന്‍ആര്‍ജി സ്‌റ്റേഡിയം. റിലയന്റ് എന്ന് ഇതിനെ പുനര്‍നാമകരണം ചെയ്തിട്ടുണ്ട്. ജൂണ്‍ 17ന് കോംഗോയ്‌ക്കെതിരെയാണ് പോര്‍ച്ചുഗലിന്റെ ആദ്യ മത്സരം. 2002ല്‍ നിര്‍മാണം പൂര്‍ത്തിയാക്കിയ സ്റ്റേഡിയത്തില്‍ കോപ്പ അമേരിക്കയുടെ 100-ാം വര്‍ഷികത്തോടനുബന്ധിച്ച് നടത്തിയ 2016ലെ ടൂര്‍ണമെന്റിനും 2024 കോപ്പ അമേരിക്കയിലെ കളികള്‍ക്കും വേദിയായിട്ടുണ്ട്. ആതിഥേയരായ അമേരിക്കയെ കീഴടക്കി മെക്‌സിക്കോ ജേതാക്കളായ കഴിഞ്ഞ വര്‍ഷത്തെ കോന്‍കകാഫ് ഗോള്‍ഡ് കപ്പ് ഫൈനല്‍ മത്സരം നടന്ന വേദിയും ഇതുതന്നെ.

പോര്‍ച്ചുഗലിന് പുറമെ വമ്പന്‍ ടീം ജര്‍മനിയും ഇക്കുറി അരങ്ങേറുന്നത് ഇവിടെയാണ്. രണ്ടാം റൗണ്ടിലേയും പ്രീക്വാര്‍ട്ടറിലെയും ഓരോ മത്സരങ്ങളടക്കം ഏഴ് ലോക പോരാട്ടങ്ങളാണ് എന്‍ആര്‍ജി സ്‌റ്റേഡിയത്തില്‍ നടക്കുക.

ആരോഹെഡിലെ മത്സരങ്ങള്‍
ജൂണ്‍ 16: അര്‍ജന്റീന-അള്‍ജീരിയ(ഗ്രൂപ്പ് ജെ)
ജൂണ്‍ 20: ഇക്വഡോര്‍-കുറസാവോ(ഗ്രൂപ്പ് ഇ)
ജൂണ്‍ 25: ടൂണീഷ്യ-നെതര്‍ലന്‍ഡ്‌സ്(ഗ്രൂപ്പ് എഫ്)
ജൂണ്‍ 27: അള്‍ജീരിയ-ഓസ്ട്രിയ(ഗ്രൂപ്പ് ജെ)
ജൂലൈ 3: റൗണ്ട് ഓഫ് 32
ജൂലൈ 11: ക്വാര്‍ട്ടര്‍

എന്‍ആര്‍ജിയിലെ മത്സരങ്ങള്‍
ജൂണ്‍ 14: ജര്‍മനി-കുറസാവോ(ഗ്രൂപ്പ് ഇ)
ജൂണ്‍ 17: പോര്‍ച്ചുഗല്‍-കോംഗോ(ഗ്രൂപ്പ് കെ)
ജൂണ്‍ 20: നെതര്‍ലന്‍ഡ്‌സ്-സ്വീഡന്‍(ഗ്രൂപ്പ് എഫ്)
ജൂണ്‍ 23: പോര്‍ച്ചുഗല്‍-ഉസ്‌ബെക്കിസ്ഥാന്‍(ഗ്രൂപ്പ് കെ)
ജൂണ്‍ 26: കെയ്‌പ് വെര്‍ദെ-സൗദി അറേബ്യ(ഗ്രൂപ്പ് എച്ച്)
ജൂണ്‍ 29: റൗണ്ട് ഓഫ് 32
ജൂലൈ 4: പ്രീക്വാര്‍ട്ടര്‍