തിരുവനന്തപുരം: ഓണ്‍ലൈന്‍ ടാക്സിയായ ഊബറിന് അടുത്ത അഞ്ച് വര്‍ഷത്തേക്ക് പ്രവര്‍ത്തനാനുമതി നല്‍കി ഗതാഗത മന്ത്രി ഗണേഷ് കുമാര്‍. ഭരണമാറ്റം ഉണ്ടാകുമെന്ന് ഭയന്നാണോ ഈ കരാര്‍ തിരിക്കിട്ട് ഉറപ്പിച്ചതെന്ന പരിഹാസം ഉയരുന്നുണ്ട്. ഇതോടെ ഊബറിന് മാത്രമല്ല, റാപിഡോ എന്നിവയ്‌ക്കും പ്രവര്‍ത്തിക്കാം. ഇനി റാപിഡോയ്‌ക്ക് ബൈക്ക് ടാക്സി നടത്താം.
എങ്ങിെനയാണ് മെയ് നാലിന് ശേഷം ആര് ഭരിയ്‌ക്കുമെന്ന് ഉറപ്പില്ലാതിരിക്കെ ഈ സര്‍ക്കാരിന് 2031വരെ ഊബറിന് പ്രവര്‍ത്തനാനുമതി നല്‍കാന്‍ കഴിയുക എന്ന ചോദ്യവും ഉയരുന്നു. ഊബറിനെതിരെ ഏറ്റവുമധികം സമരം ചെയ്തത് ടാക്സി ഡ്രൈവര്‍മാരുടെ ഇടത് സംഘടനകളാണ്.
കേരളത്തിലെ ഗതാഗത നിയമം അനുസരിക്കുന്നില്ലെന്ന് ചൂണ്ടിക്കാട്ടിയാണ് ഗണേഷ് കുമാര്‍ ഊബറിനെ നിയമവിരുദ്ധമായി പ്രഖ്യാപിച്ചിരുന്നത്. ഇതോടെ ലോക്കല്‍ ടാക്സി ഡ്രൈവര്‍മാരുമായുള്ള തര്‍ക്കം അവസാനിക്കുമെന്ന് കരുതുന്നു. ലോക്കല്‍ പൊലീസ് സ്റ്റേഷനുകള്‍ക്കും ഇനി പഴയതുപോലെ ശത്രുതാപരമായ നടപടിയെടുക്കാന്‍ സാധിക്കില്ല.
