കൊല്ലം :സംസ്ഥാനത്ത് സൂര്യാഘാതമേറ്റ് ശനിയാഴ്ച രണ്ട് പേര് മരിച്ചെന്ന് സംശയം. കൊല്ലത്തും പട്ടാമ്പയിയിലും വയോധികര് മരിച്ചത് സൂര്യാഘാതമേറ്റെന്ന സംശയമാണുളളത്.
കൊല്ലം കുന്നിക്കോട് കൃഷിയിടത്തില് മരിച്ച നിലയില് കണ്ടെത്തിയ ബേബി ഫിലിപ്പിന് (85)സൂര്യാഘാതമേറ്റെന്നാണ് സംശയം.പാലക്കാട് പട്ടാമ്പി പുലാമന്തോള് സ്വദേശി ബഷീറിനെ വീട്ടുവളപ്പിലാണ് വീണ് കിടക്കുന്നനിലയില് കണ്ടത്. ഉച്ചയ്ക്ക് രണ്ട് മണിയോടെ സമീപവാസികളാണ് ബഷീര് വീട്ടുവളപ്പില് കിടക്കുന്നത് കണ്ടത്. ഉടന് തന്നെ പട്ടാമ്പി താലൂക്ക് ആശുപത്രിയില് എത്തിച്ചെങ്കിലും മരണം സംഭവിച്ചിരുന്നു.
ഇന്ന് 8 പേര്ക്ക് സൂര്യാതപമേറ്റു.കോഴിക്കോട് താമരശേരിയില് ആശാരിപ്പണിക്കാരനായ യുവാവിന്റെ കൈകളില് കുമിളകള് പൊങ്ങി. മലപ്പുറം താനൂരില് യുവാവിന് ജോലിക്കിടെ സൂര്യാതപമേറ്റു.കോഴിക്കോട് പന്നിക്കോടില് ബൈക്ക് യാത്രികന്റെ കൈകളിലും കാലിലും പൊള്ളലേറ്റു. ഇടുക്കിയില് മുട്ടത്തും പെരുമറ്റത്തുമായി രണ്ട് പേര്ക്ക് പൊള്ളലേറ്റു. കിളിമാനൂരില് പഴയ കുന്നുമ്മല് പഞ്ചായത്തിലെ ഹരിത കര്മ സേനാംഗമായ ലതികയ്ക്ക് ടൗണിലെ കടകളില് നിന്ന് പ്ലാസ്റ്റിക് ശേഖരിക്കുന്നതിനിടെ പൊള്ളലേറ്റു. വേനല്ച്ചൂടില് കോട്ടയം വൈക്കത്ത് പശു ചത്തു.
