മൂഞ്ചിറമഠം ശ്രീകൃഷ്ണ കീഴ്തൃക്കോവില് ക്ഷേത്രത്തില് എത്തിയ സ്വാമി ആനന്ദവനം ഭാരതി ശങ്കര പ്രതിമയില് മാലചാര്ത്തുന്നു
തൃശൂര്: ശങ്കര ജയന്തിയോടനുബന്ധിച്ച് ജൂന അഘാഡയുടെ മഹാമണ്ഡലേശ്വര് സ്വാമി ആനന്ദവനം ഭാരതി മൂഞ്ചിറ മഠം ശ്രീ കൃഷ്ണ കീഴ്തൃക്കോവില്ക്ഷേത്രം സന്ദര്ശിച്ചു.
ശങ്കരപ്രതിമയില് മാല ചാര്ത്തി തിരിതെളിയിച്ചു. ശങ്കരാചാര്യസ്വാമികളെ അദ്ദേഹത്തിന്റെ ജന്മ സ്ഥലമായ കാലടിയിലും കേരളത്തിലും വേണ്ടരീതിയില് ആദരിക്കുന്നില്ല, എന്നാല് ഉത്തരേന്ത്യന് പ്രദേശങ്ങളില് വലിയ ആദരവാണ് ലഭിക്കുന്നത്. അതിന്റെയൊരു ഉണര്വ് കേരളത്തിലും കണ്ടു തുടങ്ങിയിട്ടുണ്ട്. ശങ്കരഭഗവത് പാദരുടെ പാത പിന്തുടര്ന്ന് ഈ സാംസ്കാരികമഹിമ ലോകത്തെ മുഴുവന് അറിയിക്കേണ്ടത് ഈ കാലഘട്ടത്തിന്റെ ആവശ്യമാണെന്നും സ്വാമി ആനന്ദവനം ഭാരതിപറഞ്ഞു.
ആര്എസ്എസ്് ഉത്തരകേരള പ്രാന്തകാര്യവാഹ് പി.എന് ഈശ്വരന്, സി.സി സുരേഷ്, വിപിന് പാറമേക്കാട്ടില് തുടങ്ങിയവര് സന്നിഹിതരായിരുന്നു.
