ബെംഗളൂരു: ഇന്ത്യന് പ്രീമിയര് ലീഗ്(ഐപിഎല്) ക്രിക്കറ്റ് പോയിന്റ് പട്ടികയില് ഒന്നാം സ്ഥാനം തിരിച്ചുുപിടിക്കാനുള്ള റോയല് ചലഞ്ചേഴ്സ് ബെംഗളൂരു(ആര് സി ബി) കുതിപ്പിന് ദല്ഹി കാപിറ്റല്സിന്റെ ഷോക്ക്. ജയിച്ചിരുന്നെങ്കില് പഞ്ചാബ് കിങ്സിനെ മറികടന്ന് പോയിന്റ് പട്ടികയില് ബെംഗളൂരുവിന് മുന്നിലെത്താനാകുമായിരുന്നു. ആറ് വിക്കറ്റ് വിജയമാണ് ദല്ഹി നേടിയത്. ആദ്യം ബാറ്റ് ചെയ്ത ബംഗളൂരു 20 ഓവറില് എട്ട് വിക്കറ്റ് നഷ്ടത്തില് 175 റണ്സെടുത്തു. മറുപടി ബാറ്റിങ്ങില് ഒരു പന്ത് ബാക്കിനില്ക്കെ ബെംഗളൂരു ലക്ഷ്യത്തിലെത്തി.
ആതിഥേയരായ ആര്സിബി മുന്നില് വച്ച 176 റണ്സ് ലക്ഷ്യത്തിലേക്ക് ബാറ്റെടുത്ത ദല്ഹിക്കായി കെ.എല്. രാഹുല് അര്ദ്ധ സെഞ്ചുറി പ്രകടനത്തിലൂടെ മികച്ച തുടക്കം നല്കി. 34 പന്തുകള് നേരിട്ട രാഹുല് 57 റണ്സെടുത്ത് പുറത്തായി. പിന്നീട് ട്രിസ്റ്റന് സ്റ്റബ്സും(60) ഡേവിഡ് മില്ലറും(22) ചേര്ന്ന് വിജയത്തിലേക്ക് അടുപ്പിക്കുകയായിരുന്നു. ക്യാപ്റ്റന് അക്ഷര് പട്ടേല് മികച്ച പ്രകടനം കാഴ്ച്ചവച്ചെങ്കിലും വ്യക്തിഗത സ്കോര് 26ലെത്തിയപ്പോള് റിട്ടയേര്ഡ് ഹര്ട്ട് ആയി. മത്സരത്തിന്റെ അവസാന ഓവറുകളില് സ്റ്റബ്സ് നടത്തിയ വെടിക്കെട്ട് പ്രകടനമാണ് ദല്ഹിക്ക് വിജയം ഉറപ്പിച്ചത്.
ആര്സിബിക്കായി പരിചയ സമ്പന്നനായ ബോളര് ഭുവനേശ്വര് കുമാര് മൂന്ന് വിക്കറ്റ് പ്രകടനവുമായി മിന്നിയെങ്കിലും മറ്റ് ബൗളര്മാരില് ക്രുണാല് പാണ്ട്യ ഒഴികെ മറ്റാരില് നിന്നും മികച്ച പിന്തുണ ലഭിച്ചില്ല.
നേരത്തെ ടോസ് നഷ്ടപ്പെട്ട് ആദ്യം ബാറ്റ് ചെയ്ത ആര്സിബി ഓപ്പണര് ഫില് സാള്ട്ടി(63)ന്റെ അര്ദ്ധ സെഞ്ചുറി ബലത്തിലാണ് പൊരുതാവുന്ന ടോട്ടലില് എത്തിചേര്ന്നത്. ടീമിന്റെ രണ്ടാമത്തെ മികച്ച വ്യക്തിഗത സ്കോര് ടിം ഡേവിഡ് നേടിയ 26 റണ്സ് ആണ്. ലുംഗി എന്ജിഡി, കുല്ദീപ് യാദവ്, അക്ഷര് പട്ടേല് രണ്ട് വിക്കറ്റുകള് വീതം നേടി. ട്രിസ്റ്റണ് സ്റ്റബ്സ് മത്സരത്തിന്റെ താരമായി.
