വേനൽക്കാലത്ത് പാൽ പെട്ടെന്ന് കേടാകുന്നത് സാധാരണ പ്രശ്നമാണ്. അതിനാൽ വീട്ടിൽ തന്നെ പരീക്ഷിക്കാവുന്ന ചില കുറുക്കുവഴികൾ അറിയാം. ചൂട് കൂടുന്ന കാലത്ത് പാൽ സൂക്ഷിക്കുന്നത് ചെറിയ കാര്യമായി തോന്നുമെങ്കിലും, ശരിയായ രീതിയിൽ നോക്കിയില്ലെങ്കിൽ പെട്ടെന്ന് പുളിക്കും. എന്നാൽ ചില സിംപിൾ ടിപ്സ് അറിയാം.
പാലില് ശരാശരി 87 ശതമാനം വെള്ളമാണ് അടങ്ങിയിരിക്കുന്നത്. ശേഷിക്കുന്ന ഭാഗം ലാക്ടോസ്, പ്രോട്ടീന്, കൊഴുപ്പ് തുടങ്ങിയ പദാര്ഥങ്ങളുമാണ്. വെള്ളത്തിന്റെ ഉയര്ന്ന അളവും പോഷകങ്ങളുടെ സാന്നിധ്യവും, സൂക്ഷ്മാണുക്കളുടെ പ്രിയപ്പെട്ട ഇടമായി പാലിനെ മാറ്റിയിട്ടുണ്ട്. അതുകൊണ്ടുതന്നെയാണ് സാധാരണ ഊഷ്മാവില് പാല് പെട്ടന്ന് കേടാവുന്നതും. വേനൽക്കാലത്ത് പാലും തൈലും നാല് മുതൽ അഞ്ച് ഡിഗ്രി സെൽഷ്യസിൽ സൂക്ഷിക്കേണ്ടത് പ്രധാനമാണ്.
പാൽ പാക്കറ്റ് പൊട്ടിച്ചാൽ സാധാരണ ഫ്രിജിൽ സൂക്ഷിക്കുമ്പോൾ നാല് മുതൽ ഏഴ് ദിവസത്തിനുള്ളിൽ പാൽ ഉപയോഗിച്ചു തീർക്കണം. എയര് ടൈറ്റ് ആയ ഗ്ലാസ് കുപ്പിയിലോ കണ്ടെയ്നറിലോ പാൽ സൂക്ഷിക്കുന്നതാണ് നല്ലത്.
പാൽ എടുക്കാനായി വെള്ളമയം ഇല്ലാതെ ഉണങ്ങിയ സ്പൂൺ ഉപയോഗിക്കണം. നനവുള്ള സ്പൂൺ ഉപയോഗിച്ചാൽ പാൽ പെട്ടെന്ന് കേടാകും. മാത്രമല്ല പാല് വീണ്ടും വീണ്ടും ചൂടാക്കുന്നത് ഒഴിവാക്കണം. പാൽ തിളപ്പിക്കുവാനായി സ്റ്റീൽ പാത്രം ഉപയോഗിക്കണം. അവ പാല് തിളപ്പിക്കാൻ മാത്രമായി എടുക്കാൻ പ്രത്യേകം ശ്രദ്ധിക്കണം.
പാൽ വാങ്ങിയ ഉടനെ നന്നായി തിളപ്പിക്കുക. തിളപ്പിച്ചതിന് ശേഷം സ്റ്റൗവിൽ വച്ചിരിക്കാതെ ഉടൻ തണുപ്പിക്കുക.ചൂട് നിലനിൽക്കുമ്പോൾ ബാക്ടീരിയ വളർച്ച കൂടുതലായിരിക്കും. പാൽ എപ്പോഴും ഫ്രിജിന്റെ അകത്തെ ഡോറിലാണ് വയ്ക്കേണ്ടത്.
