ന്യൂദല്ഹി : ഫ്രഞ്ച് പ്രസിഡന്റ് ഇമ്മാനുവല് മാക്രോണുമായി ടെലഫോണില് സംസാരിച്ച് പ്രധാനമന്ത്രി നരേന്ദ്ര മോദി. പശ്ചിമേഷ്യന് സംഘര്ഷ സാഹചര്യം ചര്ച്ച ചെയ്തു.ഹോര്മുസ് കടലിടുക്കിലൂടെയുള്ള സ്വതന്ത്ര സഞ്ചാരവും സുരക്ഷ ഉറപ്പാക്കുന്നതിന്റെ പ്രാധാന്യവും ചര്ച്ചയായെന്ന് മോദി എക്സില് കുറിച്ചു.
മേഖലയില് സമാധാനവും സ്ഥിരതയും തുടരുന്നതിന് ഇരു രാജ്യങ്ങളും സഹകരിക്കുന്നത് തുടരും. ഏകദേശം 40 മിനിറ്റോളം സംഭാഷണം നീണ്ടു നിന്നു. സംഘര്ഷത്തിന്റെ പ്രത്യാഘാതങ്ങളെക്കുറിച്ചും, ആഗോള ഊര്ജ്ജ വിതരണത്തിലെ തടസങ്ങളെക്കുറിച്ചും ഇരു നേതാക്കളും സംസാരിച്ചു.കഴിഞ്ഞ ദിവസം യു എസ് പ്രസിഡന്റ് ഡൊണാള്ഡ് ട്രംപുമായി ഫോണില് സംസാരിച്ചതിന് പിന്നാലെയാണ് മോദി ഫ്രഞ്ച് പ്രസിഡന്റുമായി ഫോണില് സംസാരിച്ചത്.
അമേരിക്കയുമായി സമഗ്ര ആഗോള തന്ത്രപ്രധാന ബന്ധം ശക്തമായി തുടരുമെന്ന് മോദി പറഞ്ഞു.
