കോഴിക്കോട്:പെരുവണ്ണാമുഴിയില് ജനവാസ മേഖലയില് ഇറങ്ങിയ കാട്ടാനക്കൂട്ടത്തെ തുരത്തവെ നെഞ്ചില് കമ്പി തുളച്ചു കയറി കാട്ടാന ചരിഞ്ഞു. പെരുവണ്ണാമുഴി പയ്യാനിക്കോട്ടയിലാണ് സംഭവമുണ്ടായത്.
ജനവാസമേഖലയിലിറങ്ങിയ കാട്ടാനക്കൂട്ടത്തെ തുരത്താന് വനംവകുപ്പ് ഉദ്യോഗസ്ഥര് പടക്കംപൊട്ടിച്ചു. ഇതോടെ, കൂട്ടത്തിലെ പിടിയാന അക്രമാസക്തയായി ജീവനക്കാര്ക്ക് നേരെ പാഞ്ഞടുത്തു. സമീപത്തെ വീട്ടില് കയറിയാണ് വനം വകുപ്പ് ജീവനക്കാര് രക്ഷപ്പെട്ടത്.
ഈ സമയം, ആന അടുത്തുണ്ടായിരുന്ന കാര് ഷെഡ് തകര്ത്തു.ഇതിനിടെ ഷെഡിന്റെ ഇരുമ്പ് തൂണ് ആനയുടെ നെഞ്ചിലേക്ക് തുളച്ചുകയറി.ഗുരുതര പരിക്കേറ്റ ആന തോട്ടത്തിലേക്ക് കയറി. രാവിലെ ചരിഞ്ഞ നിലയില് കണ്ടെത്തി.
