തിരുവനന്തപുരം: മലയിന്കീഴ് ചൂഴാറ്റുകോട്ട ക്ഷേത്രോത്സവത്തിനിടെ ദമ്പതികളെ ആക്രമിച്ച സംഭവത്തില് പൊലീസ് കേസെടുത്തു.ഒമ്പതംഗ സംഘമാണ് ദമ്പതികളെ മര്ദ്ദിച്ചത്.
ശനിയാഴ്ച രാത്രി നടന്ന സംഭവത്തില് അന്ന് തന്നെ പരാതി നല്കിയെങ്കിലും കേസ് എടുത്തിരുന്നില്ല.
ചൂഴാറ്റുകോട്ട സ്വദേശി അനീഷ്, ഭാര്യ ശ്രീജ എന്നിവര്ക്കാണ് മര്ദനമേറ്റത്. കല്ലും കമ്പിപ്പാരയും ഉപയോഗിച്ചാണ് അക്രമി സംഘം ദമ്പതികളെ ആക്രമിച്ചത്.അനീഷിന്റെ തലയ്ക്ക് സാരമായ പരിക്കുണ്ട്.
അനീഷിനെ മര്ദിക്കുന്നത് തടയാന് ശ്രമിക്കുമ്പോഴാണ് ശ്രീജയ്ക്കും മര്ദനമേറ്റത്. മര്ദനത്തിനിടെ അനീഷിന്റെ കഴുത്തിലുണ്ടായിരുന്ന അഞ്ചര പവന് സ്വര്ണമാല അക്രമിസംഘം പിടിച്ചു പറിച്ചതായും പരാതിയില് പറയുന്നു.
സംഭവത്തിന്റെ സിസിടിവി ദൃശ്യങ്ങള് പുറത്തുവന്നു. ഈ ദൃശ്യങ്ങളില് നിന്നും അക്രമികളെ തിരിച്ചറിയാനുള്ള ശ്രമത്തിലാണ് പൊലീസ്.
