പ്രായപൂർത്തിയാകാത്ത 180 പെൺകുട്ടികളെ പീഡിപ്പിച്ച മുഹമ്മദ് അയാസ് ലൗ ജിഹാദിന്റെ ഭാഗമോ ? പ്രതിയുടെ വലയിൽ അകപ്പെട്ടവരിൽ ഹിന്ദു പെൺകുട്ടികളും

മുംബൈ: മഹാരാഷ്‌ട്രയിലെ അമരാവതിയിൽ 180 പ്രായപൂർത്തിയാകാത്ത പെൺകുട്ടികളെ ലൈംഗികമായി ചൂഷണം ചെയ്യുകയും 350 ലധികം അശ്ലീല വീഡിയോകൾ പകർത്തുകയും ചെയ്ത കേസിൽ
കൂടുതൽ വിരങ്ങൾ പുറത്ത്. പരത്വാഡ നഗരത്തിലെ താമസക്കാരനായ മുഹമ്മദ് അയാസ് എന്ന തൻവീർ പെൺകുട്ടികളെ പ്രണയക്കെണിയിൽ വീഴ്‌ത്തി മുംബൈയിലേക്കും പൂനെയിലേക്കും കൊണ്ടുപോയി അവരുടെ അശ്ലീല വീഡിയോകൾ ചിത്രീകരിച്ചത് ലൗ ജിഹാദിന്റെ ഭാഗമാകാമെന്നാണ് പോലീസ് സംശയിക്കുന്നതെന്ന് പ്രാദേശിക മാധ്യമങ്ങൾ റിപ്പോർട്ട് ചെയ്യുന്നു. ഇരയായവരിൽ ഹിന്ദുക്കളുൾപ്പെടുന്ന ഇതര മതത്തിലെ പെൺകുട്ടികളും ഉണ്ടെന്ന് പ്രാദേശിക മാധ്യമങ്ങൾ വ്യക്തമാക്കുന്നുണ്ട്.

അതേ സമയം പീഡനത്തിനിരയായ
പെൺകുട്ടികളെ ബ്ലാക്ക് മെയിൽ ചെയ്യാനും വേശ്യാവൃത്തിക്ക് നിർബന്ധിക്കാനും ഈ വീഡിയോകൾ ഉപയോഗിച്ചതായും ആരോപിക്കപ്പെടുന്നുണ്ട്. ചിലത് ഓൺലൈനിലും വ്യാപകമായി പങ്കിട്ടു. വാട്ട്‌സ്ആപ്പ്, സ്‌നാപ്ചാറ്റ് ഗ്രൂപ്പുകളിലൂടെ പ്രായപൂർത്തിയാകാത്ത കുട്ടികളെ ആസൂത്രിതമായി ലക്ഷ്യം വച്ചിരുന്നുവെന്ന് ബിജെപി രാജ്യസഭാ എംപി അനിൽ ബോണ്ടെ പോലീസ് സൂപ്രണ്ട് (റൂറൽ) വിശാൽ ആനന്ദിന് സമർപ്പിച്ച പരാതിയിലും പറയുന്നുണ്ട്.

കൂടാതെ പ്രത്യേക അന്വേഷണ സംഘം (എസ്‌ഐടി) രൂപീകരിച്ചില്ലെങ്കിൽ ബുധനാഴ്ച രാവിലെ എസ്പി ഓഫീസിന് മുന്നിൽ പ്രതിഷേധം നടത്തുമെന്നും ബോണ്ടെ മുന്നറിയിപ്പ് നൽകിയിരുന്നു.
പ്രതിക്കെതിരെ കർശന നടപടിയെടുക്കണമെന്ന് ആവശ്യപ്പെട്ട് മുസ്ലീം സമുദായത്തിലെ ചില അംഗങ്ങൾ പോലും പോലീസ് സ്റ്റേഷൻ സന്ദർശിച്ചു. സമൂഹത്തിന്റെ സൽപ്പേരിന് കളങ്കം സംഭവിക്കുന്നത് തടയേണ്ടതിന്റെ ആവശ്യകതയെപറ്റിയും അവർ ഊന്നിപ്പറഞ്ഞു.

കൂടാതെ മുഹമ്മദ് അയാസ് മുമ്പ് എ.ഐ.എം.ഐ.എമ്മിന്റെ ഭാരവാഹിയായി സേവനമനുഷ്ഠിച്ചിരുന്നുവെന്ന് ആരോപിക്കപ്പെടുന്നു. ഇയാൾ തന്റെ സോഷ്യൽ മീഡിയയിൽ പങ്കിട്ട വീഡിയോകളിലും ഫോട്ടോകളിലും, എം.ഐ.എമ്മിന്റെ അമരാവതി പ്രസിഡന്റ് ഹാജി ഇർഫാൻ ഖാനിൽ നിന്ന്  ഒരു കത്ത് ലഭിക്കുന്നതായും പാർട്ടി റാലികളിൽ സോഷ്യൽ മീഡിയ റീലുകൾ റെക്കോർഡുചെയ്യുന്നതായും കാണപ്പെടുന്നുണ്ട്.
എന്നിരുന്നാലും, കേസ് പുറത്തുവന്നതിനുശേഷം അത്തരം നിരവധി വീഡിയോകൾ ഇയാളുടെ ഇൻസ്റ്റാഗ്രാം അക്കൗണ്ടിൽ നിന്ന് ഇല്ലാതാക്കിയിട്ടുണ്ട്.

തുടർന്ന് ദ്രുതഗതിയിൽ പ്രവർത്തിച്ച പോലീസ് അയാസിനെ അറസ്റ്റ് ചെയ്ത് ഇന്ന് കോടതിയിൽ ഹാജരാക്കി. തുടർന്ന് ഇയാളെ ഏഴ് ദിവസത്തേക്ക് പോലീസ് കസ്റ്റഡിയിൽ വിട്ടു. ഇയാളുടെ മൊബൈൽ ഫോണും പോലീസ് പിടിച്ചെടുത്തു. ഉപകരണത്തിൽ നിരവധി ആക്ഷേപകരമായ വീഡിയോകൾ അടങ്ങിയിട്ടുണ്ടെന്നും പോലീസ് വൃത്തങ്ങൾ അറിയിച്ചു.