കൊച്ചി: ജീവിതത്തില്‍ നമ്മള്‍ നരേന്ദ്രമോദിയെപ്പോലെ ആകരുത് എന്ന് നടന്‍ സലിംകുമാറിന്റെ മകന്‍ ചന്തു സലിംകുമാര്‍. കുടുംബത്തോടൊപ്പം സമ്മതിദാനാവകാശം വിനിയോഗിച്ച് പടിയിറങ്ങിയശേഷം ഏപ്രില്‍ 9ന് സമൂഹമാധ്യമങ്ങളില്‍ പങ്കുവെച്ച പോസ്റ്റിലാണ് ഇക്കാര്യം പറയുന്നത്.
അതേ സമയം ക്യാമറ കാണുമ്പോള്‍ നരേന്ദ്രമോദിയെപ്പോലെ തലയുയര്‍ത്തി അതിലേക്ക് ഉറ്റുനോക്കണം, ദാ ഞാന്‍ ചെയ്യുന്നതുപോലെ എന്നാണ് ചന്തുസലിംകുമാര്‍ പറയുന്നത്. അങ്ങിനെ ക്യാമറയിലേക്ക് ഉറ്റുനോക്കുന്ന ഒരു ചിത്രമാണ് ചന്തു സലിംകുമാര്‍ പങ്കുവെച്ചിരിക്കുന്നത്.
ബിജെപി വിരുദ്ധ, നരേന്ദ്രമോദി വിരുദ്ധ രാഷ്‌ട്രീയം തന്നെയാണ് ചന്തുസലിംകുമാര്‍ ഇവിടെ കൃത്യമായി പങ്കുവെച്ചിരിക്കുന്നത്. മോദി ക്യാമറയിലേക്ക് ഉറ്റുനോക്കുന്ന നേതാവാണെന്നും ജീവിതത്തില്‍ പകര്‍ത്തണ്ടതില്ലാത്ത വ്യക്തിയാണെന്നുമുള്ള വ്യംഗമായ സൂചനയാണ് ഈ പോസ്റ്റ് പുറത്തുവിടുന്ന സന്ദേശം.
അതേ സമയം ഈ പോസ്റ്റിനെതിരെ വന്‍തോതില്‍ പ്രതികരണങ്ങള്‍ ഉയരുന്നുണ്ട്. അല്ലെങ്കിലും നിങ്ങള്‍ക്കെന്നല്ല, ആര്‍ക്കും നരേന്ദ്രമോദിയെപ്പോലെ ആകാന്‍ കഴിയില്ല എന്നാണ് പലരും പ്രതികരിച്ചിരിക്കുന്നത്. സലിംകുമാര്‍ പരസ്യമായി കോണ്‍ഗ്രസിനെപിന്തുണച്ച് ഇത്തവണത്തെ നിമയസഭാ തെരഞ്ഞെടുപ്പ് കാലത്ത് രാഷ്‌ട്രീയ പ്രചാരണത്തില്‍ പങ്കാളിയായിരുന്നു.
