പാലക്കാട്: വരും ശോഭ വളരും പാലക്കാട് എന്ന സന്ദേശവുമായി 2400 കോടിരൂപയുടെ വികസന പദ്ധതികളുമായി പാലക്കാട് മണ്ഡലം എന്ഡിഎ സ്ഥാനാര്ഥി ശോഭ സുരേന്ദ്രന്റെ പ്രകടന പത്രിക. വ്യവസായവും തൊഴിലും, കാര്ഷിക സമൃദ്ധി, വനിതാ ശാക്തീകരണം, സാമൂഹിക സുരക്ഷ, സ്മാര്ട്ട് പാലക്കാടും പരിസ്ഥിതിയും, സാംസ്കാരിക പൈതൃകവും ടൂറിസവും, കായികം, ആരോഗ്യം, നെക്സ്റ്റ് ജെന് പാലക്കാട് എന്നീ മേഖലകള് ഉള്പ്പെടുത്തിയാണ് പ്രകടന പത്രിക തയ്യാറാക്കിയിട്ടുള്ളത്.
കണ്ണാടി പാത്തിക്കലില് നടന്ന പൊതുസമ്മേളനത്തില് കേന്ദ്രമന്ത്രി ശിവരാജ് സിങ് ചൗഹാനാണ് പ്രകടന പത്രിക പുറത്തിറക്കിയത്.
വ്യവസായവും തൊഴിലും
പാലക്കാട് ഡിജിറ്റല് ഹബ്ബിന് 330 കോടിരൂപ, വ്യവസായ ഇടനാഴിയുമായി ബന്ധപ്പെടുത്തി 2500 യുവാക്കള്ക്ക് ഹൈടെക് തൊഴിലവസരങ്ങള്, നൂതന സാങ്കേതിക വിദ്യകളില് പരിശീലനം നല്കുന്ന തുഞ്ചത്ത് എഴുത്തച്ഛന് യൂണിവേഴ്സിറ്റി എന്നിവ യാഥാര്ഥ്യമാക്കുമെന്ന് പ്രകടന പത്രികയില് പറയുന്നു.
8000 സ്ത്രീകള്ക്ക് സ്ഥിരവരുമാനം നല്കുന്ന അത്യാധുനിക ഗാര്മെന്റ് പാര്ക്ക്, ചെറുകിട വ്യാപാരികളുടെ പ്രശ്നപരിഹാരത്തിന് ഏകജാലക ഹെല്പ്ഡസ്ക്.
കാര്ഷിക സമൃദ്ധി
250 കോടിരൂപയുടെ കാര്ഷിക പാര്ക്ക്, പാലക്കാട് ആസ്ഥാനമായി എം.എസ്. സ്വാമിനാഥന് നെല്ല് ഗവേഷണ ബോര്ഡ്, ക്ഷീരകര്ഷകര്ക്ക് പ്രത്യേക പാക്കേജ്, ഏകജാലക കാര്ഷിക സേവന കേന്ദ്രം.
വനിതാ ശാക്തീകരണം
പച്ചക്കറി സാധനങ്ങള് വാങ്ങാന് വീട്ടമ്മമാര്ക്ക് അക്ഷയ കാര്ഡ് വഴി പ്രതിമാസം 1500 രൂപ,വീട്ടമ്മമാര്ക്കും സ്വയംസഹായ സംഘങ്ങള്ക്കും സംരംഭങ്ങള് തുടങ്ങാന് പ്രത്യേക ഗ്രാന്റും ഉത്പന്നങ്ങള് വില്ക്കാന് വിപണന സൗകര്യവും, സ്ത്രീകള്ക്കായി ആധുനിക വിശ്രമ കേന്ദ്രങ്ങള്, ഷീ-ടോയ്ലറ്റുകള്, കുറഞ്ഞ നിരക്കില് വര്ക്കിംങ് വുമണ് ഹോസ്റ്റലുകള്.
സാമൂഹിക സുരക്ഷ
മൂന്ന് വര്ഷത്തിനുള്ളില് മണ്ഡലത്തിലെ എല്ലാവര്ക്കും സുരക്ഷിതമായ വീട്. മുതിര്ന്ന പൗരന്മാര്ക്കായി കമ്മ്യൂണിറ്റി റിക്രിയേഷന് സെന്ററുകള്, വിമുക്ത ഭടന്മാര്ക്കായി സൈനിക വിശ്രമ കേന്ദ്രം, ന്യൂനപക്ഷ വികസനം, ജനസേവന കേന്ദ്രങ്ങള്, പ്രവാസി ഭാരതി.
സ്മാര്ട്ട് പാലക്കാടും പരിസ്ഥിതിയും
പാലക്കാടിനെ സ്മാര്ട്ട് സിറ്റിയാക്കി മാറ്റും, സബ്സിഡി ലഭിക്കുന്ന കേന്ദ്ര സോളാര് പദ്ധതി, ചൂട് പ്രതിരോധിക്കാന് കൂളിങ് സെന്ററുകള്, യാത്രാവികസനം, സ്പേസ് സയന്സ് മ്യൂസിയം.
സാംസ്കാരിക പൈതൃകവും ടൂറിസവും
മുതിര്ന്ന പൗരന്മാര്ക്ക് അന്യസംസ്ഥാന തീര്ത്ഥാടന യാത്രകള്ക്കായി 16000 രൂപ ഒറ്റത്തവണ ധനസഹായം,
കല്പ്പാത്തി, യാക്കര പുഴകളെ പുനരുജ്ജീവിപ്പിച്ച് ടൂറിസം സാധ്യതകള് വര്ധിപ്പിക്കല്, ഹെറിറ്റേജ് ടൂറിസം, കണ്യാര്കളി കാളപൂട്ട് തുടങ്ങിയ തനത് കലകളെ പ്രോത്സാഹിപ്പിക്കാന് പ്രത്യേക ഫെലോഷിപ്പ്.
കായികം
മെഗാ സ്പോര്ട്സ് ഹബ്ബ് 300 കോടി, മൂന്ന് അത്യാധുനിക കളി സ്ഥലങ്ങള്, ഇന്ഡോര് സ്റ്റേഡിയം നവീകരിച്ച് പ്രവര്ത്തനസജ്ജമാക്കും,സായ് പരിശീലന കേന്ദ്രങ്ങള്.
ആരോഗ്യം
മെഡിക്കല് കോളേജ് നവീകരണത്തിന് 150 കോടി, ജില്ലാ ആശുപത്രി വികസനം, 30 വയസ്സിന് മുകളിലുള്ളവര്ക്ക് വര്ഷത്തിലൊരിക്കല് സൗജന്യ ആരോഗ്യപരിശോധന.
നെക്സ്റ്റ് ജെന് പാലക്കാട്
ഉപരിപഠനത്തിന് 25000 രൂപ എംഎല്എ സ്കോളര്ഷിപ്പും 10 ലക്ഷം വരെയുള്ള ഈടുരഹിത വിദ്യാഭ്യാസ വായ്പയും, തൊഴില് പരിശീലനം, സ്കൂള് നവീകരണം, അടല് ടിങ്കറിങ് ലാബുകള്
