കോഴിക്കോട് : കുന്ദമംഗലം കുരിക്കത്തൂരില് വീടിനുള്ളില് സ്ഫോടനം. രണ്ട് പേര് മരിച്ചു.രണ്ട് പേര്ക്ക് പരിക്കേറ്റു. ഇവരുടെ നില ഗുരുതരമാണെന്നാണ് വിവരം.
വീട്ടില് താമസിക്കുന്ന രാഹുല് സഹോദരീ ഭര്ത്താവ് രാഹുല് എന്നിവരാണ് മരിച്ചത്.ദമ്പതികളായ വിഷ്ണു, ഷിനി എന്നിവര്ക്കാണ് ഗുരുതര പരിക്കേറ്റത്..പാല സ്വദേശിനി ഷിനി രാഹുലിന്റെ ബന്ധുവാണ്.
അനധികൃത പടക്കനിര്മാണത്തിനിടെയാണ് സ്ഫോടനമെന്നാണ് വിവരം.ശനിയാഴ്ച രാത്രി പത്ത് മണിക്ക് ശേഷമാണ് സ്ഫോടനമുണ്ടായതെന്നാണ് നാട്ടുകാര് പറയുന്നത്.
വാടകയ്ക്ക് നല്കിയ വീട്ടിലാണ് അപകടമുണ്ടായത്. എട്ട് മാസത്തോളമായി ഇവര് ഇവിടെ വാടകയ്ക്ക് താമസിക്കുകയായിരുന്നുവെന്നാണ് വിവരം.
നേരത്തെ കുരിക്കത്തൂരിന് അടുത്തുള്ള മുണ്ടക്കലിലാണ് ഇവര് വാടകയ്ക്ക് താമസിച്ചിരുന്നത് എന്നാണ് അറിയുന്നത്.
