മലപ്പുറം:തപാല്‍ വകുപ്പും പൊതുജനങ്ങളും തമ്മിലുള്ള ജനസമ്പര്‍ക്കം ബലപ്പെടുത്തുന്നതിനായി ‘പോസ്റ്റ് ഫോറം മലപ്പുറം’ ജില്ലയിലെ വിദ്യാര്‍ത്ഥികള്‍ ഉള്‍പ്പെടെയുള്ളവര്‍ക്കായി കത്തെഴുത്ത് മത്സരം നടത്തുന്നു.ഏപ്രില്‍ ഒന്ന് മുതലാണ് കത്തെഴുത്ത് മത്സരം ആരംഭിച്ചത്.ഏപ്രില്‍ 30 വരെയാണ് മത്സരം.
തപാല്‍ സംവിധാനത്തെക്കുറിച്ച് ഏറ്റവും കൂടുതല്‍ കത്തുകള്‍ അയക്കുന്ന വ്യക്തിക്ക് 1,000 രൂപയും പ്രശസ്തി പത്രവും സമ്മാനമായി ലഭിക്കും.തപാല്‍ സംവിധാനത്തെയും അതിന്റെ പ്രാധാന്യത്തെയും കുറിച്ച് ഏറ്റവും കൂടുതല്‍ കത്തുകള്‍ അയക്കുന്ന വ്യക്തിയെയാണ് പുരസ്‌കാരത്തിനായി തിരഞ്ഞെടുക്കുന്നത്.
കത്തുകള്‍ മലയാളത്തിലാണ് എഴുതേണ്ടത്. മത്സരത്തില്‍ പങ്കെടുക്കുന്നവര്‍ സ്വന്തം പേരും വിലാസവും ഫോണ്‍ നമ്പറും പ്രത്യേക കടലാസില്‍ രേഖപ്പെടുത്തി കത്തിനൊപ്പം ഉള്ളടക്കം ചെയ്യണം.
കത്തുകള്‍ അയക്കേണ്ട വിലാസം: പോസ്റ്റ് മാസ്റ്റര്‍, പോസ്റ്റ് ഫോറം, മലപ്പുറം – 676 505.ഡിജിറ്റല്‍ യുഗത്തിലും കത്തെഴുത്ത് പ്രോത്സാഹിപ്പിക്കാനും തപാല്‍ സേവനങ്ങളെക്കുറിച്ച് അവബോധം സൃഷ്ടിക്കാനുമാണ് മത്സരം. ജില്ലയിലെ എല്ലാ വിഭാഗം ആളുകള്‍ക്കും ഈ മത്സരത്തില്‍ പങ്കെടുക്കാം.
