തിരുവല്ല: കേരളത്തില് ഇടതു-വലതു മുന്നണികളുടെ ശത്രുത കപടമാണെന്ന് പ്രധാനമന്ത്രി നരേന്ദ്രമോദി.ഇരു മുന്നണികളും വിമര്ശിക്കുന്നത് ബിജെപിയെ മാത്രമാണ്.ഇവര് തമിഴ്നാട്ടില് ഒരു മുന്നണിയിലാണ്. എല്ഡിഎഫ് -യുഡിഎഫ് മുന്നണികള് വോട്ട് ബാങ്ക് പ്രീണനം നടത്തുന്നു.മുനമ്പത്ത് ഇത് കണ്ടതാണ്. ഇത് അപകടകരമായ പ്രവണതയാണ്.
ജല് ജീവന് മിഷന് വഴി എല്ലായിടങ്ങളിലും ശുദ്ധജലം എത്തിക്കാന് കഴിഞ്ഞതായി പ്രധാനമന്ത്രി പറഞ്ഞു.കേരളത്തിലെ കര്ഷകര്ക്ക് 13,000 കോടി രൂപ സൗജന്യമായി നല്കി. കേരളത്തിലെ റബര് കര്ഷകര്ക്കും ഇതിന്റെ പ്രയോജനം കിട്ടിയിട്ടുണ്ട്.ക്രിസ്തു മതക്കാര് ഏറെയുള്ള വടക്കുകിഴക്കന് സംസ്ഥാനങ്ങളിലും ഗോവയിലും ബി ജെ പിയാണ് ഭരണത്തിലുളളത്. കേരളത്തിലും ബി ജെ പി വരും.കേരളത്തില് ബി ജെ പി സര്ക്കാര് അധികാരത്തില് വന്നാല് വലിയ വികസനങ്ങള് ഉണ്ടാകും.
കേരളത്തിലെ ദേശീയപാത വികസനം സാധ്യമാക്കിയത് നരേന്ദ്രമോദി സര്ക്കാരാണ്.ശബരി റെയില് പാത വികസനത്തിന്റെ പുതിയ പാത തുറക്കും.ശബരിമലയിലേക്ക് നേരിട്ട് സഞ്ചാരസൗകര്യം ഒരുക്കി തീര്ത്ഥാടനം സുഗമമാക്കും. പുതിയ തൊഴിലവസരത്തിന്റെ സാധ്യതകള് തുറക്കും. കേരളത്തിലെ സര്ക്കാരുകള് ഈ പദ്ധതികള് നടപ്പിലാക്കാതിരിക്കാന് ഓരോ കാര്യങ്ങള് ചെയ്യുകയാണ്.ഇതിന്റെ ഏറ്റവും വലിയ നഷ്ടം സംഭവിച്ചുകൊണ്ടിരിക്കുന്നത് തിരുവല്ലയ്ക്കാണ്. ഇത് മോദിയുടെ ഗ്യാരണ്ടിയാണ്.
ബി ജെ പി ഭരണത്തില് വന്നാല് കേരളം വികസനത്തിന്റെ പാതയില് അതിവേഗം മുന്നേറും . സ്ത്രീ ശാക്തീകരണം പ്രധാന ലക്ഷ്യമാണ്. സ്ത്രീകള്ക്ക് രാഷ്ട്രീയത്തില് കൂടുതല് സംവരണം ഇനിയും ഉണ്ടാകും. സ്ത്രീകള്ക്ക് 33 ശതമാനം സംവരണം ഏര്പ്പെടുത്തിയത് മോദി സര്ക്കാരാണെന്ന് പ്രധാനമന്ത്രി പറഞ്ഞു. വനിതാ സംവരണ ബില്ലിനെ എല്ലാവരും തുറന്ന മനസോടുകൂടി അംഗീകരിക്കണമെന്നും പ്രധാനമന്ത്രി ആവശ്യപ്പെട്ടു.
