ആലപ്പുഴ: ഇതരമതസ്ഥര്ക്കെതിരെ കൊച്ചുകുട്ടിയെക്കൊണ്ട് പോലും കൊലവിളി മുദ്രാവാക്യം വിളിപ്പിച്ചവരെ കൂടെക്കൂട്ടിയാണ് സിപിഎമ്മും ഇടതുപക്ഷവും തെരഞ്ഞെടുപ്പിനെ നേരിടുന്നത്. മുസ്ലിം മതഭീകരവാദികള്ക്ക് മുന്നില് കാലങ്ങളായി സിപി
എം മുട്ടിലിഴയുകയാണെന്നാണ് വിമര്ശനം.
2022 മെയ് 21ന് ആലപ്പുഴയില് നടന്ന പോപ്പുലര്ഫ്രണ്ട് റാലിയിലാണ് ഹിന്ദുക്കളുടെയും ക്രൈസ്തവരുടെയും കാലന്മാരാണ് തങ്ങളെന്ന് സൂചിപ്പിച്ച് പത്ത് വയസുകാരന് മുദ്രാവാക്യം വിളിച്ചത്. നൂറുകണക്കിനാളുകള് ഇത് ഏറ്റുവിളിക്കുകയും ചെയ്തു. മതസ്പര്ദ്ധ ആളിക്കത്തിക്കുന്നതിന് ബോധപൂര്വമായ ഇടപെടലാണ് ഉണ്ടായത്. ആദ്യഘട്ടത്തില് പോ
ലീസ് കാര്യക്ഷമമായി അന്വേഷണം നടത്താന് തയാറായിരുന്നില്ല. ശക്തമായ നടപടി സ്വീകരിക്കണമെന്ന് ഹൈക്കോടതി ഉത്തരവിട്ടതോടെയാണ് പോലീസ് നടപടി ഊര്ജിതമായത്. ആലപ്പുഴ സ്വദേശിയായ അഭിഭാഷകന്റെ പരാതിയിലാണ് പോലീസ് കേസെടുത്തത്. പ്രതികള്ക്കെതിരെ ബാലനീതി നിയമപ്രകാരമുള്ള കുറ്റങ്ങളും ചുമത്തി. നൂറുകണക്കിന് പോലീസുകാരുടെ സാന്നിധ്യത്തിലായിരുന്നു കുട്ടിയുടെ കൊലവിളി മുദ്രാവാക്യം വിളിയും പ്രവര്ത്തകര് ഏറ്റുപറഞ്ഞതും. ഇടത് സര്ക്കാര് ഭീകരവാദികളോട് തുടര്ന്ന മൃദുസമീപനമാണ് പോലീസ് കാഴ്ചക്കാരാകാന് കാരണമെന്ന് വിമര്ശനം ഉയര്ന്നിരുന്നു.
ഒരാളുടെ തോളിലേറി കുട്ടി മുദ്രാവാക്യം വിളിക്കുന്നതിന്റെ ദൃശ്യങ്ങള് സമൂഹ മാധ്യമങ്ങളിലൂടെ വ്യാപകമായി പ്രചരിപ്പിക്കപ്പെട്ടിട്ടും പോലീസ്
നടപടിയെടുക്കാന് ആദ്യം തയാറായില്ല. ബിജെപി നേതാവ് അഡ്വ. രണ്ജീത് ശ്രീനിവാസനെ കൊലപ്പെടുത്തി മാസങ്ങള്ക്കകം ആലപ്പുഴ നഗരത്തില് ഇത്തരത്തില് ഒരു പരിപാടിക്ക് അനുവാദം കൊടുക്കുന്നതിന് രഹസ്യാന്വേഷണ വിഭാഗം ഉള്പ്പടെ എതിര്ത്തെങ്കിലും ഭരണ തലത്തില് അനുമതി ലഭിക്കുകയായിരുന്നു
”അരിയും മലരും വാങ്ങിച്ച് വീട്ടില് കാത്തുവച്ചോളോ… ഒന്നുകൂടെ മറന്നടാ… ഒന്നുകൂടെ മറന്നടാ.. കുന്തിരിക്കം വാങ്ങിച്ച് വീട്ടില് കാത്ത് വച്ചോളോ… വരുന്നുണ്ട്… വരുന്നുണ്ട് നിന്റെയൊക്കെ കാലന്മാര്… മര്യാദക്ക് ജീവിച്ചാല്, നമ്മുടെ നാട്ടില് ജീവിക്കാം… മര്യാദക്ക്… മര്യാദക്ക്… മര്യാദക്ക് ജീവിച്ചോ… മര്യാദക്ക് ജീവിച്ചില്ലേല്, നമുക്കറിയാം ആസാദി… മര്യാദക്ക്… മര്യാദക്ക്… മര്യാദക്ക് ജീവിച്ചോ… എന്നിങ്ങനെയായിരുന്നു അത്യന്തം പ്രകോപനപരമായ മുദ്രാവാക്യങ്ങള്.
നിലവില് ആലപ്പുഴ ജുഡീഷ്യല് ഒന്നാം ക്ലാസ് മജിസ്ട്രേറ്റ് കോടതിയില് കുറ്റപത്രം സമര്പ്പിച്ചെങ്കിലും കേസില് തുടര് നടപടികളായിട്ടില്ല. കേസിലെ മുഴുവന് പ്രതികളും ജാമ്യത്തിലിറങ്ങിയിരുന്നു. കുട്ടിയുടെ അച്ഛനാണ് മുദ്രാവാക്യം എഴുതി തയാറാക്കിയതെന്ന് പോലീസ് കണ്ടെത്തിയിരുന്നു. പിഎഫ്ഐ ആലപ്പുഴ ജില്ലാ പ്രസിഡന്റ് നവാസ് വണ്ടാനമാണ് ഒന്നാംപ്രതി. ജില്ലാ സെക്രട്ടറി മുജീബ് രണ്ടാം പ്രതിയും ഈരാറ്റുപേട്ട നടയ്ക്കല് പാറനാനി അന്സാര് നജീബ് മൂന്നാം പ്രതിയുമാണ്. കുട്ടിയെ തോളിലേറ്റിയവരിലൊരാളാണ് അന്സാര് നജീബ്. മുദ്രാവാക്യം വിളിക്കാന് പഠിപ്പിച്ചത് രണ്ട് പേരാണ്. എസ്ഡിപിഐ മണ്ഡലം സെക്രട്ടറി പള്ളുരുത്തി ഞാറക്കാട്ടില് സുധീര്, പോപ്പുലര് ഫ്രണ്ട് പള്ളുരുത്തി ഡിവിഷന് പ്രസിഡന്റ് ഷമീര് എന്നിവരാണ് മുദ്രാവാക്യം വിളിക്കാന് പഠിപ്പിച്ചത്. ഷമീര് 25-ാം പ്രതിയും സുധീര് 26-ാം പ്രതിയുമാണ്. 35 പ്രതികളാണ് കേസിലുള്ളത്.
ജന്മഭൂമി ഓണ്ലൈന്