ടാങ്കോ ചാർളി ഹൈ-ആൾട്ടിറ്റ്യൂഡ് ലോംഗ്-എൻഡുറൻസ് (HALE) ടാക്റ്റിക്കൽ ഡ്രോൺ സജീവ സൈനിക സേവനത്തിലേക്ക് എത്തുന്നു . ഇന്ത്യയുടെ ആഭ്യന്തര ഡ്രോൺ മേഖലയ്‌ക്ക് വമ്പൻ മാറ്റങ്ങൾ നൽകിയാണ് ടാങ്കോ ചാർളി എത്തുന്നത്.
ബെംഗളൂരു ആസ്ഥാനമായുള്ള സ്റ്റാർട്ടപ്പ് സിങ്കുലാരിറ്റി എയ്‌റോസ്‌പേസ് വികസിപ്പിച്ചെടുത്ത, ക്രൂഡ് ഏരിയൽ വെഹിക്കിൾ (UAV) – മുമ്പ് എയ്‌റോ ഇന്ത്യയിൽ പ്രദർശിപ്പിച്ചിരുന്നു. സായുധ കോൺഫിഗറേഷനിൽ ഇത് ബ്രാവോ ടാംഗോ എന്നും അറിയപ്പെടുന്നു. ഓട്ടോമാറ്റിക് ടേക്ക്-ഓഫ്, ലാൻഡിംഗ് (ATOL) പരീക്ഷണങ്ങൾ ഉൾപ്പെടെ ഇന്ത്യൻ ആർമി നടത്തിയ പരീക്ഷണങ്ങളെല്ലാം വിജയകരമായിരുന്നു.
ഇന്ത്യൻ ആർമി ഇപ്പോൾ ഇവയ്‌ക്കായി ഔദ്യോഗിക ഓർഡർ നൽകാൻ തയ്യാറെടുക്കുകയാണ്.യഥാർത്ഥ നിയന്ത്രണ രേഖയിലെ (LAC) ഉയർന്ന ഭൂപ്രദേശങ്ങളിലാകും ഇവയെ വിന്യസിക്കുക.ഔദ്യോഗികമായി അവതരിപ്പിക്കപ്പെടുന്നതോടെ, ടാംഗോ ചാർലി സൈന്യത്തിന്റെ തന്ത്രപരമായ നിരീക്ഷണ ഗ്രിഡിന്റെ പ്രധാന ഭാഗമായി മാറും. കഠിനമായ പർവത സാഹചര്യങ്ങളിൽ തുടർച്ചയായ ഇന്റലിജൻസ് നിരീക്ഷണം, രഹസ്യാന്വേഷണ (ISR) പ്രവർത്തനങ്ങൾ എന്നിവയ്‌ക്കായി ഇവ ഉപയോഗപ്പെടുത്തും.
പർവതപ്രദേശങ്ങളിലെ നീണ്ട ദൗത്യങ്ങൾക്കായി UAV മികച്ച രീതിയിൽ സജ്ജീകരിച്ചിരിക്കുന്നു, നിർണായക അതിർത്തി മേഖലകളുടെ തുടർച്ചയായ വായുവിലൂടെയുള്ള നിരീക്ഷണം സാധ്യമാക്കുന്നു.
ടേക്ക് ഓഫിൽ 350 കിലോഗ്രാം വരെ ഭാരമുള്ള ഇതിന് 130 കിലോഗ്രാം പേലോഡ് വഹിക്കാനും ഏകദേശം 20 മണിക്കൂർ വായുവിൽ തുടരാനും കഴിയും.
പരമാവധി 1,000 കിലോമീറ്റർ ദൂരപരിധി, മണിക്കൂറിൽ 250 കിലോമീറ്റർ വേഗത, 20,000 അടി സർവീസ് പരിധി എന്നിവയുള്ള ഈ ഡ്രോൺ, അത്യാധുനിക ഇലക്ട്രോ-ഒപ്റ്റിക്കൽ ക്യാമറകൾ, ഇലക്ട്രോണിക് ഇന്റലിജൻസ് ഉപകരണങ്ങൾ, ആശയവിനിമയ റിലേകൾ എന്നിവ കൊണ്ടുപോകാൻ സജ്ജീകരിച്ചിരിക്കുന്നു.
പിസ്റ്റൺ, 600 സിസി ഇന്റേണൽ കംബസ്റ്റൻ അല്ലെങ്കിൽ ടർബൈൻ എഞ്ചിനുകൾ ഉൾപ്പെടെയുള്ള മോഡുലാർ എഞ്ചിൻ ഓപ്ഷനുകളും ഇതിലുണ്ട്.ജിപിഎസ് സിഗ്നലുകൾ തടയപ്പെടുകയോ തടസ്സപ്പെടുകയോ ചെയ്യുന്ന പ്രദേശങ്ങളിൽ തടസ്സമില്ലാതെ പ്രവർത്തിക്കാനുള്ള കഴിവാണ് ഡ്രോണിന്റെ നിർണായക പ്രവർത്തന ശക്തി, കമ്പനി “ഡാർക്ക് മോഡ്” ഫ്ലൈറ്റ് എന്ന് വിളിക്കുന്ന പ്രധാന നേട്ടവും ഇത് തന്നെ.
