തിരുവനന്തപുരം: നേമത്ത് സ്വതന്ത്രനായി മത്സരിക്കുന്ന രാജീവ് കുമാർ സിപിഎമ്മിന്റെ ആപരാനാണാ വിമതനാണോ എന്നത് നേമത്തെ സ്ഥാനാർത്ഥിയും വിദ്യാഭ്യസ മന്ത്രിയുമായ ശിവൻ കുട്ടി വ്യക്തമാക്കണമെന്ന് ബിജെപി സിറ്റി ജില്ലാ അദ്ധ്യക്ഷൻ കരമന ജയൻ ആവശ്യപ്പെട്ടു.
സിപിഎമ്മിന്റെ നിലവിലെ ആറന്നൂർ എ ബ്രാഞ്ചിന്റെ സെക്രട്ടറി കൂടിയായ രാജീവ് കുമാർ നേമത്ത് മത്സരിക്കാൻ പത്രിക സമർപ്പിച്ച സാഹചര്യത്തിലാണ് ഈ ചോദ്യമെന്നും കരമന ജയൻ പറഞ്ഞു. പരാജയം മുന്നിൽ കണ്ട് നേമത്ത് മൂന്നാംകിട തറ രാഷ്ടിയമാണ് ശിവൻ കുട്ടി പയറ്റുന്നതെന്നും അപരന്മാരെ ഇറക്കി നേമത്ത് രാജീവ് ചന്ദ്രശേഖറിനെ തോൽപ്പിക്കാം എന്ന് കരുതുന്ന ശിവൻ കുട്ടി മൂഢ സ്വർഗ്ഗത്തിലാണന്നും കരമന ജയൻ പറഞ്ഞു.
കോർപ്പറേഷൻ തിരഞ്ഞടുപ്പോടെ തിരുവനന്തപുരം സിറ്റിയിലെ നാല് നിയോജക മണ്ഡലങ്ങളിലും സിപിഎം തകർന്നടിഞ്ഞുവെന്നും സിറ്റി ജില്ലയിലെ നാല് ബിജെപി സ്ഥാനാർത്ഥികളും നല്ല ഭൂരിപക്ഷത്തിൽ വിജയിക്കുമെന്നും കരമന ജയൻ പറഞ്ഞു.
