ന്യൂഡൽഹി : ജീവന് ഭീഷണിയുണ്ടെന്നും, സംരക്ഷണം നൽകണമെന്നും ആവശ്യപ്പെട്ട് കുംഭമേളയിലെ വൈറൽ സുന്ദരി മൊണാലിസയും, ഭർത്താവ് ഫർമാനും. സോഷ്യൽ മീഡിയയിൽ പങ്ക് വച്ച വീഡിയോയിലാണ് തങ്ങൾക്ക് സംരക്ഷണം നൽകണമെന്ന് മൊണാലിസ ആവശ്യപ്പെട്ടിരിക്കുന്നത് .
ഇതിൽ മോണാലിസയും ഫാർമാനും മുഖ്യമന്ത്രിയോടും പോലീസ് കമ്മീഷണറോടും മാധ്യമങ്ങളോടും ഇടപെടാൻ അഭ്യർത്ഥിക്കുന്നുണ്ട്. . തങ്ങളെ വധിക്കുമെന്നും അംഗഭംഗം വരുത്തുമെന്നും പരസ്യമായി ഭീഷണിപ്പെടുത്തുന്നുണ്ടെന്ന് ദമ്പതികൾ ആരോപിക്കുന്നു.
‘ ഞാൻ ഈ വീഡിയോ എല്ലാവർക്കും ഒരു കത്ത് സഹിതം അയയ്‌ക്കുന്നു, അതിനാൽ ദയവായി ഞങ്ങളെ സഹായിക്കൂ‘ എന്നും മൊണാലിസ പറയുന്നു. വിവാഹത്തിന് ശേഷം, കേരള സർക്കാരിൽ നിന്ന് ലഭിച്ച പിന്തുണയ്‌ക്ക് ദമ്പതികൾ നന്ദി പറഞ്ഞു. “കേരള സർക്കാർ ഞങ്ങളെ വളരെയധികം പിന്തുണച്ചു. ഞങ്ങളുടെ ഹൃദയത്തിൽ നിന്ന് ഞങ്ങൾ അവരോട് നന്ദി പറയുന്നു, എല്ലാ മതങ്ങളിലും ഞങ്ങൾ വിശ്വസിക്കുന്നു; എനിക്ക് എല്ലാ മതങ്ങളും തുല്യമാണ്.” മൊണാലിസ പറയുന്നു
തന്റെ വിവാഹത്തിന്റെ മഹത്തായ ആഘോഷത്തെക്കുറിച്ച് “ഞങ്ങളുടെ വിവാഹം ഇത്ര വലിയ തോതിൽ നടക്കുമെന്ന് ഞങ്ങൾ പ്രതീക്ഷിച്ചിരുന്നില്ല. കുറച്ച് പേർ മാത്രമേ പങ്കെടുക്കൂ എന്ന് ഞങ്ങൾ കരുതി, പക്ഷേ ധാരാളം ആളുകൾ വന്നു. മന്ത്രി ഞങ്ങളെ അനുഗ്രഹിച്ചു. വിദ്യാഭ്യാസ മന്ത്രിയും അവിടെ ഉണ്ടായിരുന്നു.”ഫർമാൻ പറഞ്ഞു.
മാർച്ച് 11 നാണ് മൊണാലിസയും ഫാർമാനും വിവാഹിതരായത് . സിപിഎം നേതാക്കളായ എം വി ഗോവിന്ദൻ, എ എ റഹീം , മന്ത്രി വി ശിവൻ കുട്ടി എന്നിവരാണ് നേതൃത്വം നൽകിയത്.
