കോഴിക്കോട്: പെണ്കുട്ടിയുടെ നേതൃത്വത്തില് വിദ്യാര്ത്ഥികള് പ്ലസ് ടു വിദ്യാര്ത്ഥിയെ പൂര്ണ നഗ്നനാക്കി ക്രൂരമായി മര്ദ്ദിച്ചെന്ന് പരാതി.ചേളന്നൂര് സ്വദേശിക്കാണ് ക്രൂര മര്ദനമേറ്റത്. അവശനായ വിദ്യാര്ത്ഥിയെ കോഴിക്കോട് മെഡിക്കല് കോളേജ് ആശുപത്രിയില് പ്രവേശിപ്പിച്ചു.മര്ദനമേറ്റ കുട്ടിയുടെ രക്ഷിതാക്കള് നല്കിയ പരാതിയില് കക്കോടി ബദിരൂര് സ്വദേശിനി പെണ്കുട്ടി അടക്കം അഞ്ച് പേര്ക്കെതിരെ എലത്തൂര് പൊലീസ് കേസെടുത്തു.
കഴിഞ്ഞ വ്യാഴാഴ്ചയാണ് സംഭവം നടന്നത്. മര്ദനമേറ്റ വിദ്യാര്ത്ഥിയും പെണ്കുട്ടിയുമായി സൗഹൃദത്തിലായിരുന്നു.ഡ്രൈവിംഗ് പഠിപ്പിക്കാനെന്ന് പറഞ്ഞ് പെണ്കുട്ടി വിദ്യാര്ത്ഥിയെ ബദിരൂരിലെ ആളൊഴിഞ്ഞ മലഞ്ചെരുവിലേക്ക് വിളിച്ച് വരുത്തി. എന്നാല് ഈ സ്ഥലത്ത് പെണ്കുട്ടിയോടൊപ്പം മറ്റൊരു സ്കൂളില് നിന്നുള്ള നാല് വിദ്യാര്ത്ഥികളും ഉണ്ടായിരുന്നു. പെണ്കുട്ടിയുടെ മുമ്പില് വച്ച് മറ്റ് ആണ്കുട്ടികള് ചേര്ന്ന് പൂര്ണ നഗ്നനാക്കി ക്രൂരമായി മര്ദിച്ചെന്നാണ് പരാതിയില് പറയുന്നത്. കയറു കൊണ്ട് കൈകള് കൂട്ടിക്കെട്ടി ആക്രമിക്കുകയുമായിരുന്നു.സ്വകാര്യ ഭാഗങ്ങളില് മുറിവേല്പ്പിച്ചതായും സിഗരറ്റ് ലൈറ്റര് കൊണ്ട് ശരീരത്തില് പൊള്ളലേല്പ്പിച്ചതായും പരാതിയിലുണ്ട്. കുപ്പിച്ചില്ല് ഉപയോഗിച്ചും ശരീരത്തില് മുറിവേല്പ്പിച്ചു. ഇരുമ്പുവടി കൊണ്ട് പല തവണ അടിച്ചു. മര്ദനത്തിന്റെ ദൃശ്യങ്ങള് സംഘം മൊബൈല് ഫോണില് ചിത്രീകരിച്ചതായി സംശയമുണ്ട്. അക്രമി സംഘത്തിലെ രണ്ട് പേരെ തിരിച്ചറിഞ്ഞെന്നും സംഭവം വിശദമായി അന്വേഷിക്കുമെന്നും പൊലീസ് പറഞ്ഞു.
