കണ്ണൂര്‍: കെ.സുധാകരന്‍ ഇത്രമേല്‍ വൈകാരികമായ ഒരു ഫേസ് ബുക്ക് പോസ്റ്റ് ഇടാന്‍ വേണ്ടും എന്താണ് ഉണ്ടായത് ? ലോക്‌സഭാംഗത്വം കളഞ്ഞ് നിയമസഭാംഗത്വത്തിനു വഴി തുറക്കാതെ പോയതോ? സാധാരണക്കാരായ കോണ്‍ഗ്രസ് പ്രവര്‍ത്തകരുടെ ഉള്ളില്‍ ഉത്തരം കിട്ടാത്ത ചോദ്യമിതാണ്. ഇത്രയേയുള്ളോ കൊട്ടി ഘോഷിക്കപ്പെടുന്ന ഈ നേതാക്കള്‍?
കണ്ണൂര്‍ എന്നത് തന്റെ ഹൃദയ രക്തമാണെന്നും മറ്റും പറഞ്ഞ് അതി വൈകാരികമായ ഒരന്തരീക്ഷമാണ് സുധാകരന്‍ ഫേസ് ബുക്ക് പോസ്റ്റില്‍ വരച്ചുവയ്‌ക്കുന്നത്. തള്ളക്കോഴിയുടെ ചിറകും കുഞ്ഞുങ്ങളും ചങ്കു പിളര്‍ന്ന വിലാപങ്ങളും ഹൃദയരക്തം ഇറ്റി വീണ മണ്ണും എന്നൊക്കെ എഴുതിപ്പിടിപ്പിച്ച് കോണ്‍ഗ്രസ് രാഷ്‌ട്രീയത്തില്‍ മറ്റാര്‍ക്കുമില്ലാത്ത രാഷ്‌ട്രീയ പ്രാധാന്യം തനിക്കുണ്ടെന്ന് പാര്‍ട്ടി നേതൃത്വത്തെ ഓര്‍മ്മിപ്പിക്കുകയാണ് സുധാകരന്‍. കോണ്‍ഗ്രസിലെ ഇരട്ടച്ചങ്കന്‍ പിണറായിയാണ് താനെന്നും അടുത്ത മുഖ്യമന്ത്രിയാവാന്‍ യോഗ്യനാണെന്നുമുള്ള ഓര്‍മ്മപ്പെടുത്തല്‍. വെറും ലോക്‌സഭാംഗമായി കഴിയേണ്ടവനല്ലെന്നും കേരളത്തെ നയിക്കേണ്ടവനാണെന്നും സുധാകരന്‍ സ്വയം ധരിച്ചുപോയിരിക്കുന്നുവെന്ന് വ്യക്തം.
‘കോണ്‍ഗ്രസിലെ ഇരട്ടച്ചങ്ക’ന്‌റെ സ്വപ്‌നത്തില്‍ നിറഞ്ഞു നില്‍ക്കുന്നത് മുഖ്യമന്ത്രി പദം, പാര്‍ട്ടിക്കെന്താണ് അത് മനസിലാവാത്തത്?
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
ജന്മഭൂമി ഓണ്‍ലൈന്‍© Mathruka Pracharanalayam Limited.
Tech-enabled by Ananthapuri Technologies.