മുംബൈ : അമേരിക്കയുടെയും ഇസ്രായേലിന്റെയും ആക്രമണങ്ങളെത്തുടർന്ന് ഇറാന്റെ പരമോന്നത നേതാവ് ഖമേനിയുടെ മരണം സത്യത്തിൽ ഇറാനി ജനത ആഘോഷമാക്കി മാറ്റുകയാണ്. ഇന്ത്യയിൽ ജീവിക്കുന്ന ഇറാനിയൻ നടിമാരായ മന്ദന കരിമിയും എൽനാസ് നൊറൗസിയും അടുത്തിടെ ഖമേനിയുടെ മരണം ആഘോഷിക്കുന്നത് കണ്ടു. ഇറാൻ വിട്ടതിന് ശേഷം രണ്ട് നടിമാരും വർഷങ്ങളായി ഇന്ത്യയിലാണ് താമസിക്കുന്നത്.
അടുത്തിടെ ഇറാനിയൻ ഭരണകൂടത്തെക്കുറിച്ച് മന്ദന കരിമി സംസാരിച്ചു. മിഡിൽ ഈസ്റ്റിലുടനീളം പടരുന്ന ഒരു കാൻസർ എന്നാണ് ഇറാൻ ഭരണകൂടത്തെ അവർ വിളിച്ചത്. പതിറ്റാണ്ടുകളായി ഇറാനികൾ നേരിടുന്ന സാഹചര്യങ്ങളെയും സാഹചര്യങ്ങളെയും കുറിച്ച് മന്ദന അഭിമുഖത്തിൽ വിവരിച്ചു. ഇറാനെ പിന്തുണച്ച് ഇന്ത്യയിൽ നടക്കുന്ന പ്രതിഷേധങ്ങളിലും അവർ ദുഃഖം പ്രകടിപ്പിച്ചു.
ഇറാനിലെ ടെഹ്റാനിൽ ജനിച്ച മന്ദന കരിമി ഒരു നടിയാകാൻ ആഗ്രഹിച്ചിരുന്നു, അതിനാൽ ആ സ്വപ്നവുമായി അവർ വർഷങ്ങൾക്ക് മുമ്പ് ഇന്ത്യയിലേക്ക് കുടിയേറി. വർഷങ്ങളായി ഇന്ത്യയിൽ താമസിക്കുന്ന മന്ദന ഇപ്പോഴും തന്റെ രാജ്യത്തെ ജനങ്ങളെ വിഷമിപ്പിക്കുകയും ആശങ്കപ്പെടുത്തുകയും ചെയ്യുന്ന ഭരണകൂടത്തെ എന്നും തള്ളിപ്പറഞ്ഞിരുന്നു. പതിറ്റാണ്ടുകളുടെ ക്രൂരമായ ഭരണത്തിൽ നിന്ന് തന്റെ രാജ്യത്തെ ജനങ്ങൾ മോചിതരായതിലും ഖമേനി കൊല്ലപ്പെട്ടതിലും മന്ദന കരിമി ഇപ്പാൾ അതിയായി സന്തോഷിക്കുന്നുണ്ട്. എന്നാൽ സ്വന്തം ജനങ്ങൾ കഷ്ടപ്പെടുന്നുണ്ടെന്നും അവർ ആശങ്കപ്പെടുന്നുണ്ട്.
എൻഡിടിവിക്ക് നൽകിയ അഭിമുഖത്തിൽ ഭരണകൂടത്തിനെതിരെ ഇറാനിയൻ പൗരന്മാർ പതിറ്റാണ്ടുകളായി നടത്തിവരുന്ന പ്രതിഷേധങ്ങളെക്കുറിച്ച് നടി സംസാരിച്ചു. “ഇറാനിലെ ജനങ്ങൾ വർഷങ്ങളായി നിരായുധരായി പ്രതിഷേധിക്കുന്നു. ഞങ്ങൾക്ക് പ്രിയപ്പെട്ടവരെ നഷ്ടപ്പെട്ടു. ഞങ്ങൾക്ക് അമ്മമാരെയും കുട്ടികളെയും സർവകലാശാലകളെയും നഷ്ടപ്പെട്ടു… പട്ടിക വളരെ വലുതാണ്. മരണം ആഘോഷിക്കാൻ ആർക്കും എളുപ്പമല്ല, പക്ഷേ ഈ ഭരണകൂടം നമ്മോട് എന്താണ് ചെയ്തത്… കഴിഞ്ഞ കുറച്ച് മാസങ്ങളായി – ജനുവരി 8 നും ജനുവരി 9 നും – 1,000 പേർ കൂട്ടക്കൊല ചെയ്യപ്പെട്ട വീഡിയോകൾ നിങ്ങൾ കണ്ടിരിക്കുമെന്ന് എനിക്ക് ഉറപ്പുണ്ട് ” – അവർ പറഞ്ഞു.
കൂടാതെ ഇറാൻ ഭരണകൂടം കാൻസർ പോലെയാണ്, ഞങ്ങൾ 48 വർഷമായി അതിനെതിരെ പോരാടുകയാണെന്നും മന്ദന കരിമി തുടർന്നു പറഞ്ഞു. കൂടാതെ ഇറാനിയൻ ഭരണകൂടത്തെ പിന്തുണച്ച് ഇന്ത്യയിൽ നടക്കുന്ന പ്രതിഷേധങ്ങളിൽ മന്ദന കരിമി ദുഃഖിതയായി. “ഇന്ത്യയിൽ നടക്കുന്ന പ്രതിഷേധങ്ങൾ ഇറാനിയൻ ഭരണകൂടത്തെ പിന്തുണച്ചുള്ളതായതിനാൽ ഇപ്പോൾ എന്റെ ഹൃദയം തകർന്നിരിക്കുന്നു. രണ്ടാഴ്ച മുമ്പ് ഞാൻ എന്റെ ജനങ്ങൾക്ക് വേണ്ടി മെഴുകുതിരി കത്തിച്ച് പ്രതിഷേധം നടത്താൻ പോയി, പക്ഷേ എനിക്ക് അനുമതി നിഷേധിക്കപ്പെട്ടു.” – അവർ കൂട്ടിച്ചേർത്തു.
