തിരുവനന്തപുരം: സംഘര്ഷമേഖലയിലെ പ്രവാസികളുടെ സുരക്ഷ ഉറപ്പാക്കണമെന്നും ആവശ്യമെങ്കില് അവരെ നാട്ടിലെത്തിക്കാന് നടപടി സ്വീകരിക്കണമെന്നും അഭ്യര്ത്ഥിച്ച് മുഖ്യമന്ത്രി പിണറായി വിജയന് പ്രധാനമന്ത്രി നരേന്ദ്ര മോദിക്ക് കത്തയച്ചു. ഇറാന്-ഇസ്രായേല് സംഘര്ഷം രൂക്ഷമാകുന്ന സാഹചര്യത്തില് ഗള്ഫ് രാജ്യങ്ങളില് ജോലി ചെയ്യുന്ന ലക്ഷക്കണക്കിന് ഇന്ത്യക്കാരുടെ,പ്രത്യേകിച്ച് മലയാളികളുടെ സുരക്ഷ ഉറപ്പാക്കാന് കേന്ദ്ര സര്ക്കാര് അടിയന്തരമായി ഇടപെടണമെന്ന് മുഖ്യമന്ത്രി ആവശ്യപ്പെട്ടു. യുദ്ധം വ്യാപിച്ചാല് ഗള്ഫ് മേഖലയിലുള്ളവരുടെ ജീവനും സ്വത്തിനും ഭീഷണിയുണ്ടാകുമെന്ന ആശങ്ക അദ്ദേഹം കത്തില് പങ്കുവച്ചു.
പ്രവാസികള്ക്ക് സഹായം എത്തിക്കുന്നതിനായി നോര്ക്ക റൂട്ട്സ് അടിയന്തര ഹെല്പ്പ് ഡെസ്ക് തുറക്കാന് മുഖ്യമന്ത്രി നിര്ദ്ദേശിച്ചിട്ടുണ്ട്.
