ദുബായ്: യുഎഇയിലെ എല്ലാ പൊതു-സ്വകാര്യ സ്കൂളുകളും സർവ്വകലാശാലകളും ഓൺലൈൻ പഠന സംവിധാനത്തിലേക്ക് മാറുന്നു. മാർച്ച് 2 തിങ്കളാഴ്ച മുതൽ മാർച്ച് 4 ബുധനാഴ്ച വരെയാണ് നിലവിൽ ഈ നിയന്ത്രണം ഏർപ്പെടുത്തിയിരിക്കുന്നത്. വിദ്യാർത്ഥികളുടെയും അധ്യാപകരുടെയും സുരക്ഷ കണക്കിലെടുത്താണ് വിദ്യാഭ്യാസ മന്ത്രാലയവും ഉന്നത വിദ്യാഭ്യാസ മന്ത്രാലയവും സംയുക്തമായി ഈ തീരുമാനമെടുത്തത്.
അതേസമയം, ജബൽ അലി തുറമുഖത്തെ ഒരു ബെർത്തിൽ തീപിടിച്ചതായി ദുബായ് സിവിൽ ഡിഫൻസ് സ്ഥിരീകരിച്ചു. വ്യോമാക്രമണത്തിൽ ഉണ്ടായ അവശിഷ്ടങ്ങളാണ് തീപിടിത്തത്തിന് കാരണം. തീ പൂർണ്ണമായും കെടുത്താനുള്ള ശ്രമങ്ങൾ തുടരുന്നു. ആർക്കും പരിക്കില്ല. 2021 ജൂലൈ ഏഴിന് ജബൽ അലി തുറമുഖത്തുണ്ടായ തീപിടിത്തത്തിന്റെ പഴയ വീഡിയോ പ്രചരിപ്പിക്കരുതെന്ന് അധികൃതർ പൊതുജനങ്ങളോട് അഭ്യർത്ഥിച്ചു.
