ന്യൂദല്‍ഹി: പ്രതിഷേധിക്കാനുള്ള അവകാശം ജനാധിപത്യത്തിന്റെ അടിസ്ഥാന സവിശേഷതയാണെങ്കിലും പൊതു ക്രമത്തെ തടസ്സപ്പെടുത്തുന്നതോ മറ്റുള്ളവരുടെ അവകാശങ്ങള്‍ക്ക് ഹാനികരമാകുന്നതോ ആയ രീതിയില്‍, പ്രത്യേകിച്ച് വിദേശ പ്രതിനിധികള്‍ പങ്കെടുക്കുന്ന ഒരു അന്താരാഷ്‌ട്ര പരിപാടിയില്‍, അത് വിനിയോഗിക്കാന്‍ കഴിയില്ലെന്ന് ഡല്‍ഹി കോടതി വ്യക്തമാക്കി.
ഭാരത് മണ്ഡപത്തില്‍ എ ഐ ഉച്ചകോടിക്കിടെ ഷര്‍ട്ട് ധരിക്കാതെ പ്രതിഷേധിച്ച കേസില്‍ നാല് യൂത്ത് കോണ്‍ഗ്രസ് പ്രവര്‍ത്തകരെ അഞ്ച് ദിവസത്തെ പോലീസ് കസ്റ്റഡിയില്‍ വിട്ടുകൊണ്ടാണ് പട്യാല ഹൗസ് കോടതി ഈ നിരീക്ഷണം നടത്തിയത്.
പ്രതികള്‍ മുന്‍കൂട്ടി ആസൂത്രണം ചെയ്ത പ്രകാരം ഉയര്‍ന്ന സുരക്ഷാ സംവിധാനമുള്ള വേദിയില്‍ ഒത്തുകൂടുകയും പ്രകോപനപരവും ദേശവിരുദ്ധവുമായ മുദ്രാവാക്യങ്ങള്‍ വിളിക്കുകയും ഡ്യൂട്ടിയിലായിരുന്ന പോലീസ് ഉദ്യോഗസ്ഥരെ ആക്രമിക്കുകയും ചെയ്തുവെന്ന് പ്രോസിക്യൂഷന്‍ കോടതിയില്‍ ചൂണ്ടിക്കാട്ടി.
ഭാരതീയ ന്യായ സംഹിതയിലെ വിവിധ വകുപ്പുകള്‍ പ്രകാരം തിലക് മാര്‍ഗ് പോലീസാണ് സംഭവത്തില്‍ എഫ്ഐആര്‍ രജിസ്റ്റര്‍ ചെയ്തത്.
പ്രതിഷേധിക്കാനുള്ള അവകാശം എല്ലായിടത്തും വിനിയോഗിക്കാന്‍ കഴിയില്ലെന്ന് ദല്‍ഹി കോടതി
ഷര്‍ട്ടൂരി പ്രതിഷേധിച്ച കോണ്‍ഗ്രസുകാര്‍ക്ക് ജാമ്യമില്ല.
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
ജന്മഭൂമി ഓണ്‍ലൈന്‍© Mathruka Pracharanalayam Limited.
Tech-enabled by Ananthapuri Technologies.