‘എന്നെ പേടിച്ച് മോദി പാർലമെന്റിൽ വരുന്നില്ലെ’ന്ന് രാഹുൽ; സസ്പൻഡുചെയ്യപ്പെട്ട എംപിമാർക്കായി സ്പീക്കറെ കണ്ടു

ന്യൂദൽഹി: തന്റെ പ്രസംഗം കേൾക്കാൻ പേടിയായതിനാൽ പ്രധാനമന്ത്രി നരേന്ദ്രമോദി പാർലമെന്റിൽ വരാൻ ഭയക്കുന്നുവെന്ന് പ്രതിപക്ഷ നേതാവ് രാഹുൽ ഗാന്ധി.
പ്രതിപക്ഷ എംപിമാർ പ്രധാനമന്ത്രി മോദിയെ ഭീഷണിപ്പെടുത്തുന്നുവെന്നത് ശരിയല്ലെന്നും രാഹുൽ പറഞ്ഞു.
മുൻ കരസേനാ മേധാവി ജനറൽ എം.എം. നരവാനെയുടെ ഓർമ്മക്കുറിപ്പ് ഉദ്ധരിച്ച് പ്രസംഗിക്കുമെന്ന് പറഞ്ഞയതിനാലാണ് അദ്ദേഹം സഭയിലേക്ക് വരാൻ ‘ഭയപ്പെടു’ന്നത് എന്ന് രാഹുൽ അവകാശപ്പെട്ടു. പാർലമെന്റിൽ ഈ വിഷയം ഉന്നയിക്കുന്നത്ത് തടയാനാണ് പാർലമെന്റ് നാളത്തേക്ക് പിരിഞ്ഞതെന്ന് രാഹുൽ തുടർന്നു. നിരവധി പ്രതിപക്ഷ എംപിമാരെ ലോക്‌സഭയിൽ സസ്പെൻഡ് ചെയ്തതിൽ സർക്കാരിനെ വിമർശിച്ചു.

മുഴുവൻ പ്രതിപക്ഷവും പാർലമെന്റിൽ ചർച്ച നടത്താൻ ആഗ്രഹിക്കുന്നു, പക്ഷേ അത് സംഭവിക്കണമെങ്കിൽ, അവരുടെ വ്യവസ്ഥകൾ സർക്കാർ അംഗീകരിക്കണം. അമേരിക്കയുമായുള്ള (യുഎസ്) സമീപകാല വ്യാപാര കരാർ കാരണം 2026-27 ലെ കേന്ദ്ര ബജറ്റിനെക്കുറിച്ച് ചർച്ച നടത്താൻ സർക്കാർ ആഗ്രഹിക്കുന്നില്ലെന്ന് മുൻ കോൺഗ്രസ് പ്രസിഡന്റ് അവകാശപ്പെട്ടു.

രാഹുൽ ലോക്സഭാ സ്പീക്കറെ കണ്ടു.
സഭയിൽ ഉന്നയിക്കാൻ ആഗ്രഹിക്കുന്ന വിഷയങ്ങളെക്കുറിച്ച് പറഞ്ഞു. എട്ട് കോൺഗ്രസ് എംപിമാരെ സസ്പെൻഡ് ചെയ്തതും വനിതാ എംപിമാർക്കെതിരെ ചുമത്തിയ ആരോപണങ്ങൾ ഉൾപ്പെടെ പാർലമെന്റുമായി ബന്ധപ്പെട്ട മറ്റ് വിഷയങ്ങളും ഗാന്ധി ഉന്നയിക്കാൻ ആഗ്രഹിച്ചുവെന്ന് സ്രോതസ്സുകളെ ഉദ്ധരിച്ച് വാർത്താ ഏജൻസിയായ പിടിഐ റിപ്പോർട്ട് ചെയ്തു.