മൂന്നാര്‍: ബിജെപിയില്‍ ചേര്‍ന്ന ദേവികുളം മുന്‍ എംഎല്‍എ എസ്. രാജേന്ദ്രനും സിപിഎം, സിപിഐ, കോണ്‍ഗ്രസ് പാര്‍ട്ടികളില്‍ നിന്നുള്ള നേതാക്കന്മാര്‍ക്കും നല്‍കിയ സ്വീകരണവും റാലിയും തോട്ടം മേഖലയില്‍ ബിജെപി കരുത്തുറ്റ പാര്‍ട്ടിയായെന്ന് തെളിയിച്ചു. രാജേന്ദ്രനൊപ്പം മുന്‍ ബ്ലോക്ക് പഞ്ചായത്ത് പ്രസിഡന്റ് ജി.എന്‍. ഗുരുനാഥനും ബിജെപിയില്‍ ചേര്‍ന്നിരുന്നു.
എസ്. രാജേന്ദ്രന്റെ നേതൃത്വത്തില്‍ ബിജെപിയിലേക്ക് എത്തിയ പ്രവര്‍ത്തകര്‍ക്ക് നല്‍കിയ സ്വീകരണ പരിപാടി ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. സ്വീകരണ സമ്മേളനത്തിലും റാലിയിലും ആയിരങ്ങള്‍ അണിനിരന്നു.
സമ്മേളനം പൊളിക്കാന്‍ മൂന്നാറില്‍ ഇടതു-വലതു കക്ഷിനേതാക്കളുടെ നേതൃത്വത്തില്‍ നടത്തിയ രഹസ്യയോഗവും ഭവന സന്ദര്‍ശനങ്ങളും തള്ളിക്കളഞ്ഞാണ് ജനങ്ങള്‍ എത്തിയത്. ഇതോടെ സിപിഎം-കോണ്‍ഗ്രസ് നേതൃത്വം ആശങ്കയിലായി.
തോട്ടം മേഖലയിലെ പ്രമുഖ യൂണിയനുകളായ എഐടിയുസി, സിഐടിയു, ഐഎന്‍ടിയുസി എന്നിവയുടെ നേതാക്കന്മാരും രാജേന്ദ്രനൊപ്പമുണ്ട്. രാജേന്ദ്രന്റെ നേതൃത്വത്തില്‍ വിന്നേഴ്‌സ് റോയല്‍ വര്‍ഷ സൊസൈറ്റിയുടെ 60-മത്തെ ശാഖ കഴിഞ്ഞ ദിവസം മൂന്നാറില്‍ പ്രവര്‍ത്തനം ആരംഭിച്ചിരുന്നു.
