തൃശൂർ: കോൺഗ്രസ് മണ്ഡലം കമ്മിറ്റി ഓഫീസിൽ മദ്യപിച്ച് നൃത്തം ചെയ്ത് പ്രവർത്തകരുടെ അഴിഞ്ഞാട്ടം. തൃശൂർ മണ്ണുത്തിയിലാണ് സംഭവം. മണ്ണുത്തി മണ്ഡലം കമ്മിറ്റി ഓഫീസിലാണ് ഓഫീസ് ചുമതലയുള്ള പ്രവർത്തകനും മറ്റൊരു പ്രവർത്തകനും മദ്യപിച്ച് ഡിജെ പാർട്ടി നടത്തിയത്. ഇതിന്റെ ദൃശ്യങ്ങൾ പുറത്തുവന്നു.
ഇവിടെ സംഘം ചേർന്നുള്ള മദ്യപാനം സ്ഥിരമാണെന്നും ചിലർ ഓഫീസനികത്ത് മദ്യപിച്ച് സാമൂഹ്യവിരുദ്ധ പ്രവർത്തനങ്ങൾ നടത്തുന്നുണ്ടെന്നും നാട്ടുകാർ പറഞ്ഞു. മദ്യപാനം സംബന്ധിച്ച് മണ്ഡലം കോൺഗ്രസ് നേതാക്കൾക്ക് അറിയാമെന്നും അവരുടെ മൗനാനുവാദം സാമൂഹ്യ വിരുദ്ധ സംഘത്തിനുണ്ടെന്നും പ്രാദേശിക കോൺഗ്രസ് പ്രവർത്തകർ പറയുന്നു.
