ഇന്ന് നമ്മുടെ ഭൂമിയിലെ ഏറ്റവും വലിയ ജീവി നീലത്തിമിംഗലമാണ്, ഏറ്റവും വലിയ കരജീവി ആഫ്രിക്കൻ ആനയും.അനേകം ജീവിവിഭാഗങ്ങളുണ്ടായിരുന്ന ദിനോസർ കുടുംബത്തിലെ ഏറ്റവും വലിയ ദിനോസറായിരുന്നു പാറ്റഗോറ്റിറ്റൻ മേയോറം
121 അടി നീളമുണ്ടായിരുന്ന ഈ ജീവിക്ക് എഴുപതിനായിരം കിലോഗ്രാമായിരുന്നു ഭാരം. ഏകദേശം 10 ആഫ്രിക്കൻ ആനകളുടെ ഭാരത്തിനു തത്തുല്യമാണ് ഇത്. .ഇന്നത്തെ കാലത്തെ അർജന്റീനയിലെ പ്രശ്സതമായ പാറ്റഗോണിയ മേഖലയിലായിരുന്നു മേയോറം ദിനോസറുകൾ ജീവിച്ചിരുന്നത്
സെറോപോഡ് എന്ന ദിനോസർ വിഭാഗത്തിൽ ഉൾപ്പെടുന്നതാണ് മേയോറം. വളരെ നീളമുള്ള കഴുത്തും നീളമുള്ള വാലുകളും തടിച്ചകാലുകളുമായിരുന്നു ഇവയുടെ പ്രത്യേകത.2017ലാണ് മേയോറത്തിന്റെ ഫോസിലുകൾ പാറ്റഗോണിയയിൽ നിന്നു കണ്ടെത്തിയത്. 10 കോടി വർഷം മുൻപ് ക്രെറ്റേഷ്യസ് കാലഘട്ടത്തിലായിരുന്നു ഇവ ജീവിച്ചത്. വളരെ പതിയെയായിരുന്നു ഇവയുടെ നടപ്പ്. ഇവയെ വേട്ടയാടാൻ തക്ക ശക്തിയുള്ള ജീവികൾ അന്നു മേഖലയിലില്ലാത്തതിനാൽ ഒന്നിനെയും പേടിക്കേണ്ട കാര്യം ഇവയ്ക്കുണ്ടായിരുന്നില്ല.
