ന്യൂദല്ഹി: മൂന്നാം സാമ്പത്തിക പാദമായ 2025 ഒക്ടോബര് മുതല് ഡിസംബര് വരെയുള്ള കാലയളവില് ലാഭക്കുതിപ്പ് രേഖപ്പെടുത്തി ഇന്ത്യയിലെ വിവിധബാങ്കുകള്. ഇന്ത്യയിലെ മുന്നിരയില് നില്ക്കുന്ന 20 ബാങ്കുകളില് 17 എണ്ണത്തിന്റെയും വിപണി മൂല്യം(Market Capitalisation) വര്ധിച്ചു. എസ് ബിഐ, എച്ച് ഡിഎഫ് സി, ഐസിഐസിഐ, കൊടക് മഹീന്ദ്ര, ആക്സിസ് ബാങ്ക്, ബാങ്ക് ഓഫ് ബറോഡ, പഞ്ചാബ് നാഷണല് ബാങ്ക്, കാനറ ബാങ്ക്, യൂണിയന് ബാങ്ക് ഓഫ് ഇന്ത്യ, ഇന്ത്യന് ബാങ്ക്, ഐഡിബിഐ ബാങ്ക് തുടങ്ങി 17 മുന്നിരബാങ്കുകളുടെ വിപണിമൂല്യമാണ് ഉയര്ന്നത്.
ഇതിന് പിന്നില് മോദി സര്ക്കാര് 2025 സെപ്തംബറില് പ്രഖ്യാപിച്ച ജിഎസ് ടി ഇളുവകളാണെന്ന് അമേരിക്കന് ആസ്ഥാനമായ ആഗോള സാമ്പത്തികനിരീക്ഷകരായ സ്റ്റാന്ഡേഡ് ആന്റ് പുവേഴ്സ് പറയുന്നത്. ജിഎസ് ടി ഇളവിന് പുറമെ, ഇന്ത്യയിലെ വിവിധ ഉത്സവസീസണുകളില് ഉണ്ടായ ഡിമാന്റുകള്, മെച്ചപ്പെട്ട ബിസിനസ് സാഹചര്യം എന്നിവയും ബാങ്കുകളുടെ സാമ്പത്തിക ഇടപാടില് കുതിപ്പുണ്ടാക്കിയെന്ന് സ്റ്റാന്ഡേഡ് ആന്റ് പുവേഴ്സ് പറയുന്നു. ദീപാവലി മുതല് ന്യൂ ഇയര് വരെയുള്ള ആഘോഷങ്ങള് ബാങ്കുകളുടെ സാമ്പത്തികപ്രവര്ത്തനം മെച്ചപ്പെടുത്തി.
രണ്ടാം സാമ്പത്തിക പാദത്തില് (ജൂലായ് മുതല് സെപ്തംബര് വരെ) പൊതുമേഖലാബാങ്കുകളാണ് വളര്ച്ച രേഖപ്പെടുത്തിയതെങ്കില് മൂന്നാം സാമ്പത്തികപാദത്തില് ചെറുകിട ബാങ്കുകളാണ് വന്തുകിപ്പ് രേഖപ്പെടുത്തിയത്. ഐഡിഎഫ് സി ബാങ്കിന്റെ വിപണിമൂല്യം 43 ശതമാനം കുതിച്ചു. ഫെഡറല് ബാങ്കിന് 38.6 ശതമാനവും എ യു സ്മാള് ഫിനാന്സ് ബാങ്ക് 36 ശതമാനവും വിപണിമൂല്യത്തില് കുതിച്ചു.
