തൃശൂര്: സുരേഷ് ഗോപി എംപി എറണാകുളം തൃപ്പൂണിത്തുറയില് നടന്ന ചടങ്ങില് നടത്തിയ മറ്റേ മോന് പ്രയോഗം മന്ത്രിഗണേഷ് കുമാറിനെ ഉദ്ദേശിച്ചാണെന്ന രീതിയില് സമൂഹമാധ്യമങ്ങളില് ബിജെപി പ്രവര്ത്തകരുടെ മറുപടി. ഏതാനും മാസങ്ങള്ക്കു മുന്പ് മന്ത്രി ഗണേഷ് കുമാര് സുരേഷ് ഗോപിയെ കേരളത്തില് എയിംസ് വരുന്നതിനെക്കുറിച്ച് തൊലിയുരിക്കുന്ന രീതിയില് പരിഹസിച്ചിരുന്നു.
“ഇപ്പോ എറങ്ങീട്ട്ണ്ട്, എയിംസ് വരും, അത് തൃശൂരില് വരുമോ ആലപ്പുഴയില് വരുമോ…തൃശൂരാണെങ്കിലും എംപി പറയുന്നത് ആലപ്പുഴയില് അമ്മേടെ വീട് ആലപ്പുഴയാ, അതുകൊണ്ട് ആലപ്പുഴേല് മതീന്നാണ്. തെങ്കാശിയിലായാലും മതി എന്നായി അവസാനം. അങ്ങിനെ പൊയ്ക്കൊണ്ടിരിക്കുവാ…”- ഇതായിരുന്നു ഗണേഷ് കുമാര് എയിംസിനെക്കുറിച്ച് സുരേഷ് ഗോപിയെ പരിഹസിച്ച് നടത്തിയ പ്രസംഗം.
എന്തായാലും ഇതിന് എറണാകുളം തൃപ്പൂണിത്തുറയില് നടന്ന ചടങ്ങില് മറുപടി നല്കുകയായിരുന്നു സുരേഷ് ഗോപി….”എയിംസ് വരും മറ്റേ….മോനെ” എന്നായിരുന്നു സുരേഷ് ഗോപിയുടെ മറുപടി. ഇതിന് വലിയ തോതില് കയ്യടിയും ഉയര്ന്നിരുന്നു. “പുച്ഛം കാണും. എയിംസ് തൃശൂരില് വരുമെന്ന് പറഞ്ഞതോടെ അങ്കലാപ്പിലാണ് ഇവര്. പുച്ഛവും അവര് അവതരിപ്പിക്കും. അത് അവരുടെ രീതിയാണ്. അവര് അങ്ങിനെ ചെയ്തുകൊണ്ടിരിക്കട്ടെ. കേരളത്തില് എയിംസ് വരും. പക്ഷെ ഇതിനോട് അവര് കാണിക്കുന്ന പുച്ഛം കേരളത്തിലെ ജനങ്ങല് ഹൃദയത്തില് പതിപ്പിക്കണം. ഇവരുടെയൊക്കെ പുച്ഛത്തിന് ജാതിക്കും മതത്തിനും അതീതമായി പ്രതികാരം ചെയ്യേണ്ടത് കേരളത്തിലെ ജനങ്ങളാണ്. “- ഇതായിരുന്നു സുരേഷ് ഗോപിയുടെ വാക്കുകള്. എന്തായാലും മറ്റേ മോനെ എന്ന സുരേഷ് ഗോപിയുടെ പ്രയോഗത്തെ മലയാള മനോരമ, ദേശാഭിമാനി, മീഡിയവണ്, മാധ്യമം ദിനപത്രം തുടങ്ങിയ സംഘി വിരുദ്ധ മാധ്യമങ്ങള് കേള്ക്കാന് പറ്റാത്ത വലിയ തെറി എന്ന നിലയില് അവതരിപ്പിച്ചുവരികയാണിപ്പോള്. ഏറെ പരിയമുള്ള മാധ്യമപ്രവര്ത്തകയോട് സംസാരിച്ചതിന് സുരേഷ് ഗോപി സ്ത്രീപീഡനം നടത്തി എന്ന് പറഞ്ഞ ഇതേ മാധ്യമങ്ങള് ഇപ്പോഴും ഈ എംപിയെ കേരളത്തിന്റെ മണ്ണില് വേട്ടയാടിക്കൊണ്ടേയിരിക്കുകയാണ്.
