പരിമിതികള് നേട്ടങ്ങളാക്കി, മലയാള സിനിമാ ലോകത്ത് സജീവമായി തുടരുന്ന താരമാണ് ഗിന്നസ് പക്രു . നടന് എന്നതിലുപരി സംവിധായകനും നിര്മ്മാതാവുമൊക്കെയാണ് പക്രു. കഴിഞ്ഞ 35 വര്ഷത്തിലേറെയായി സിനിമയിലും സ്റ്റേജ് ഷോകളിലുമൊക്കെയായി സജീവമാണ്.യൂട്യൂബ് ചാനലിലൂടെയായി ഭാര്യ ഗായത്രിയും മകള് ദീപ്ത കീര്ത്തിയും വിശേഷങ്ങള് പങ്കുവെക്കാറുണ്ട്. 15 വര്ഷത്തിന് ശേഷമായിരുന്നു ഇവര്ക്ക് രണ്ടാമത്തെ മകള് ജനിക്കുന്നത്
‘ അമ്മയായിരുന്നു കുട്ടിക്കാലത്ത് എന്നെ സ്റ്റേജുകളിലേക്കൊക്കെ കൊണ്ടുപോയിരുന്നത്. എന്നെയൊരു സര്ക്കാര് ജോലിക്കാരനായി കാണണമെന്നായിരുന്നു ആഗ്രഹിച്ചത്. ഞാന് ഉദ്ദേശിച്ചത് പോലെയൊരു ജോലിയായില്ല എന്ന് ഇപ്പോഴും അമ്മ പറയാറുണ്ട്.
ആദ്യത്തെ കുഞ്ഞ് നഷ്ടമായത് വലിയ ഷോക്കായിരുന്നു. അത് കഴിഞ്ഞപ്പോള് ആ കുട്ടി തന്നെ തിരിച്ച് വന്നത് പോലെയാണ് തോന്നുന്നത്. വീട്ടില് ദേഷ്യപ്പെടാറൊക്കെയുണ്ട്. മകളെ ഒന്ന് നോക്കുകയേയുള്ളൂ. ദേഷ്യമായിട്ടൊന്നുമല്ല. കുഴപ്പം വന്നാല് പറഞ്ഞ് തിരുത്തി കൊടുക്കും.ഭയങ്കര ബഹളം വെക്കലും, പൊട്ടിത്തെറികളും അങ്ങനെ യാതൊന്നുമില്ല.
സ്ക്രീനിലും സ്റ്റേജിലും കാണുന്ന പോലെയല്ല വീട്ടില്. എല്ലാവരും എങ്ങനെയാണോ അതുപോലെയൊരാളാണ്. ഒരിടത്തും ഒരു കോംപ്രമൈസുമില്ല. റെസ്പോണ്സിബിള് ഹസ്ബന്ഡും ഫാദറുമാണ്. ഒരു കുടുംബം ഉത്തരവാദിത്തത്തോടെ കൊണ്ടുപോവുന്ന ആളാണ്.
അച്ഛനും അമ്മയും ഇങ്ങനെയൊരു തീരുമാനമെടുത്തപ്പോള് ഫാമിലിയില് ഇവരുടെ അടുത്ത ആള്ക്കാര് വരെ കുത്തുവാക്കുകള് പറഞ്ഞിട്ടുണ്ട് . അവളുടെ വീടിന് തൊട്ടടുത്ത് താമസിക്കുന്നവര് വരെ. വളരെ മോശമായി പറഞ്ഞിട്ടുണ്ട്. 15 ദിവസം തികയ്ക്കില്ലെന്ന് പറഞ്ഞവര് പോലുമുണ്ട്. കുറേ വര്ഷം കഴിഞ്ഞാണ് ഞാന് ഇതറിയുന്നത്. ഞാന് വേദനിച്ചാലോ എന്ന് കരുതി എന്നോടൊന്നും പറഞ്ഞിട്ടില്ലായിരുന്നു. ജീവിച്ച് കാണിച്ച് കൊടുക്കണമെന്ന വാശിയിലായിരുന്നു ഞാന്.
കുഞ്ഞുണ്ടാവുമോ എന്ന കാര്യത്തിലൊക്കെ ആശങ്കയുണ്ടായിരുന്നു. ആദ്യത്തെ കുഞ്ഞിനെ നഷ്ടമായത് ജീവിതത്തിലെ വലിയ വേദനയാണ്.നഷ്ടപ്പെട്ടത് തന്നെ എനിക്ക് തിരിച്ച് കിട്ടി. ഇപ്പോള് രണ്ട് പെണ്മക്കളുണ്ട്. എവിടെയൊക്കെയോ നമ്മള് വിചാരിക്കാത്ത, വലിയൊരു ശക്തി എന്നെ നയിക്കുന്നുണ്ട്. ‘ എന്നും പക്രു പറയുന്നു.
