തിരുവനന്തപുരം: വിദ്യാര്‍ഥിനിക്ക് നേരെ വളര്‍ത്തു നായ്‌ക്കളുടെ ആക്രമണം. പരിക്കേറ്റ മണ്‍വിള സ്വദേശിനി അന്ന മെഡിക്കല്‍ കോളേജ് ആശുപത്രിയില്‍ ചികിത്സയിലാണ്.
ബെല്‍ജിയന്‍ മലിനോയിസ് ഇനത്തില്‍പ്പെട്ട നായ്‌ക്കളാണ് കുട്ടിയെ സ്‌കൂളില്‍ നിന്നും വരുന്ന വഴിക്ക് ആക്രമിച്ചത്. നിലവിളി കേട്ട് ഓടി എത്തിയ നാട്ടുകാരാണ് വിദ്യാര്‍ഥിനിയെ രക്ഷിച്ചത്. നായ്‌ക്കളെ ഉടമ അലക്ഷ്യമായി അഴിച്ചുവിടുന്നത് നിത്യസംഭവമാണെന്ന് നാട്ടുകാര്‍ പറഞ്ഞു.
കുട്ടിയുടെ പിതാവ് പരാതി നല്‍കിയതിനെ തുടര്‍ന്ന് കേസെടുത്തെന്ന് ശ്രീകാര്യം പൊലീസ് പറഞ്ഞു. നായ്‌ക്കളുടെ ആക്രമണത്തില്‍ വിദ്യാര്‍ഥിനിയുടെ കാലിന് ഗുരുതര പരിക്കേറ്റു.
