കൊച്ചി: സംസ്ഥാന അധ്യക്ഷ സ്ഥാനത്ത് നിന്ന് തോമസ് കെ തോമസിനെ മാറ്റണം എന്ന് ആവശ്യമുയര്ന്നതോടെ എന്സിപി സംസ്ഥാന എസ്ക്യൂട്ടീവ് കമ്മിറ്റി യോഗത്തില് ബഹളം. ബഹളം കയ്യാങ്കളിയിലേക്ക് എത്തിയതോടെ പിസി ചാക്കോ യോഗത്തില് നിന്ന് ഇറങ്ങിപ്പോയി.
എന്നാല് ബഹളമുണ്ടായിട്ടില്ല എന്നും നിയമസഭ തിരഞ്ഞെടുപ്പില് താനും എ കെ ശശിന്ദ്രനും മത്സരിക്കുമെന്നും തോമസ് കെ തോമസ് പറഞ്ഞു.
തോമസ് കെ തോമസിന് പകരം പി സി ചാക്കോ അധ്യക്ഷനാകണം എന്നായിരുന്നു ഒരു വിഭാഗത്തിന്റെ ആവശ്യം. തദ്ദേശ തിരഞ്ഞെടുപ്പില് കുട്ടനാട്ടിലെ വോട്ട് ചോര്ന്നതും നിയമസഭ തിരഞ്ഞെടുപ്പില് കൂടുതല് സീറ്റുകള് ആവശ്യപ്പെട്ടില്ല എന്നതും തോമസ് കെ തോമസിന്റെ പോരായ്മായാണെന്നാണ് ചില നേതാക്കള് ചൂണ്ടിക്കാട്ടിയത്.ഇതോടെ ഇരു പക്ഷവും പരസ്പരം പോര്വിളിയായി.
നിയമസഭ തിരഞ്ഞെടുപ്പില് മൂന്ന് സീറ്റുകളില് മത്സരിക്കാനാണ് എന്സിപി തീരുമാനം. എല്ഡിഎഫില് കൂടുതല് സീറ്റുകള് ആവശ്യപ്പെടുന്നത് പ്രയോഗികമല്ല എന്ന നിലപാടാണ് യോഗത്തില് ഉണ്ടായത്.
