തിരുവനന്തപുരം: കൊല്ലം ചവറയില് പ്രവര്ത്തിക്കുന്ന ഇന്ത്യന് ഇന്സ്റ്റിറ്റ്യൂട്ട് ഓഫ് ഇന്ഫ്രാസ്ട്രക്ചര് ആന്ഡ് കണ്സ്ട്രക്ഷനില് ഇരട്ട യോഗ്യത സര്ട്ടിഫിക്കറ്റ് പദ്ധതി (ഡ്യൂവല് സര്ട്ടിഫിക്കേഷന്) വിജ്ഞാപനം ചെയ്തു. നിലവില് എട്ടാം സെമെസ്റ്ററില് എത്തിയിരിക്കുന്ന വിദ്യാര്ത്ഥികള്ക്കാണ് ഈ പദ്ധതിയുടെ പ്രയോജനം ലഭിക്കുക. ഈ പദ്ധതിയുടെ ഭാഗമായി പ്രവേശനം നേടുന്നവര്ക്ക് അവര് തെരഞ്ഞെടുക്കുന്ന മേഖലയില് തൊഴില് നൈപുണ്യ പരിശീലനത്തിനും, മേഖലാ പ്രായോഗിക പരിശീലനത്തിനും, നേരിട്ടുള്ള തൊഴില് നിയമനത്തിനും അവസരം ഉണ്ടായിരിക്കും.
ഈ പദ്ധതിയില് പ്രവേശനം നേടുന്ന ബിടെക് സിവില് അവസാന വര്ഷം പഠിക്കുന്ന, ആറാം സെമസ്റ്റര് വരെ ബാക് ലോഗ് ഇല്ലാത്ത വിദ്യാര്ത്ഥികള്ക്ക് ബില്ഡിങ് ഇന്ഫര്മേഷന് മോഡലിംഗ്, ക്വാണ്ടിറ്റി സര്വേ ആന്ഡ് കോണ്ട്രാക്ടസ് മാനേജ്മന്റ്, ക്വാളിറ്റി അഷുറന്സ് ആന്ഡ് ക്വാളിറ്റി കണ്ട്രോള് എന്നീ മേഖലകളില് തൊഴില് നൈപുണ്യം ആര്ജിച്ചുകൊണ്ട് വ്യാവസായിക മേഖലാ പരിശീലനം ചെയ്യുവാന് സാധിക്കും. ബിടെക് മെക്കാനിക്കല് / ഇലക്ട്രിക്കല് വിദ്യാര്ത്ഥികള്ക്ക് ബിം എംബെഡഡ് എം ഇ പി സിസ്റ്റം ആന്ഡ് ഫെസിലിറ്റി മാനേജ്മെന്റ് മേഖലയിലായിരിക്കും പരിശീലനം.
പദ്ധതിയുടെ ഭാഗമായി പ്രവേശനം നേടിയവര്ക്ക് ബിടെക് വിജയകരമായി പൂര്ത്തീകരിക്കുന്നതോടെ ഐ ഐ ഐ സിയില് അവര് തെരെഞ്ഞെടുത്ത മേഖലയില് അഡ്വാന്സ്ഡ് ഡിപ്ലോമ സര്ട്ടിഫിക്കറ്റും, മുന് നിര നിര്മാണ കമ്പനിയില് നേരിട്ടുള്ള നിയമനത്തിനും അവസരം ലഭിക്കും.
വിശദവിവരങ്ങള്ക്ക്: 8078980000, www.iiic.ac.in
