കൊച്ചി : വെനസ്വേലയെ അമേരിക്ക ആക്രമിച്ചപ്പോഴും , മഡുറോയെ തടവിലാക്കിയപ്പോഴും ആർക്ക് നൊന്തില്ലെങ്കിലും വേദനിച്ചത് കേരളത്തിലെ കമ്യൂണിസ്റ്റുകൾക്കാണ് . അതോടെ യുഎസ് തെമ്മാടി രാഷ്‌ട്രവും, ആഗോള കൊള്ളക്കാരനുമൊക്കെയായി സഖാക്കൾക്ക് . എം എ ബേബി മുതൽ എം സ്വരാജ് വരെ യുഎസിനെതിരെ ആഞ്ഞടിക്കുകയും ചെയ്തു.
കഴിഞ്ഞ ദിവസം തന്നെയാണ് ബംഗ്ലാദേശിൽ ഇസ്ലാമിസ്റ്റുകൾ തീ കൊളുത്തിയ ഹിന്ദു വിശ്വാസി ഖോകോൺ ചന്ദ്ര ദാസ് കൊല്ലപ്പട്ടത് . എന്നാൽ അതിനെതിരെ തെരുവിലിറങ്ങാനോ , യൂനുസിനെതിരെയോ, എന്തിന് ബംഗ്ലാദേശിലെ അക്രമികൾക്കെതിരെയോ ഒരു വാക്ക് പോലും പറയാൻ കേരളത്തിലെ കമ്യൂണിസ്റ്റുകൾ തയ്യാറായിട്ടില്ല. മഡുറോയെ തടവിലാക്കിയതിനെതിരെ പ്രതിഷേധവുമായി തെരുവിലിറങ്ങിയവർ ബംഗ്ലാദേശിൽ ക്രൂരമായി കൊല്ലപ്പെട്ട നാലു ഹിന്ദു വിശ്വാസികളെയും മറന്നു.
ഇതിനെതിരെ രൂക്ഷ വിമർശനമാണിപ്പോൾ ഉയരുന്നത് . ബിജെപി നേതാവ് യുവരാജ് ഗോകുലും ഇതിനെതിരെ വിമർശനമുന്നയിച്ചിട്ടുണ്ട്. ‘ വെനസ്വേലയ്ക്ക് വേണ്ടി തെരുവിലിറങ്ങയവര്‍….ഇതു വരെ ബംഗ്ലാദേശിലെ ഹിന്ദുക്കളുടെ കരച്ചില്‍ കേട്ടിട്ടില്ല….സഖാക്കളേേേേ പിന്നോോട്ട്….‘ എന്നാണ് യുവരാജിന്റെ പോസ്റ്റ് .
വെനസ്വേല ഏതു ഭൂഖണ്ഡത്തിലാണെന്ന് പോലും അറിയാത്ത അന്തംകമ്മികളാണ് പ്രതിഷേധിക്കുന്നതെന്നാണ് ചിലർ കമന്റ് ചെയ്യുന്നത് . എവിടെയോ കിടക്കുന്ന അമേരിക്ക.. മറ്റെവിടെയോ കിടക്കുന്ന വെനിസ്വെല.. അവർ തമ്മിലുള്ള പ്രശ്‌നത്തിന് നിങ്ങളെന്തിനാണ് ഈ കൊച്ചു കേരളത്തിലുള്ള നാട്ടുകാരുടെ നെഞ്ചത്തു കയറുന്നതെന്നും ചിലർ ചോദിക്കുന്നു.
