കടലില്‍ നിന്നും ഇന്ത്യയ്‌ക്ക് ആണവമിസൈല്‍ തൊടുക്കാനാവും എന്ന് ഈയിടെ അരിഘട്ട് എന്ന മുങ്ങിക്കപ്പലില്‍ നിന്നും മിസൈല്‍ അയച്ച് ഇന്ത്യ ലോകത്തിന് കാട്ടിക്കൊടുത്തു. ഇന്ത്യയുടെ ഏറ്റവും രഹസ്യമായ ആണവമിസൈല്‍ ആക്രമണ പദ്ധതിയായിരുന്നു ഇത്. പാകിസ്ഥാനും ചൈനയും മാത്രമല്ല, അമേരിക്ക പോലും ഇത് കണ്ട് ഞെട്ടി.
ബംഗാള്‍ ഉള്‍ക്കടലിന്റെ വിശാഖപട്ടണം ജില്ലയുടെ കടല്‍ഭാഗത്ത് വെച്ചാണ് കെ4 ബലിസ്റ്റിക് മിസൈല്‍ പരീക്ഷിച്ചത്. മുങ്ങിക്കപ്പലില്‍ നിന്നും അയയ്‌ക്കുന്ന ഒരു മധ്യദൂര ബലിസ്റ്റിക് മിസൈല്‍ ആണ് കെ4. ഈ ബലിസ്റ്റിക് മിസൈലിന്റെ രണ്ടാമത്തെ പരീക്ഷണമാണ് ഡിസംബര്‍ 25ന് നടന്നത്. വാസ്തവത്തില്‍ ഡിസംബര്‍ മൂന്നിന് നടക്കേണ്ടതായിരുന്നു ഈ പരീക്ഷണം. പക്ഷെ പരീക്ഷണം നടക്കേണ്ട ഇടത്ത് നിന്നും 115 നോട്ടിക്കല്‍ മൈലുകള്‍ക്കപ്പുറം ഒരു ചൈനീസ് കപ്പലിനെ നിരീക്ഷണത്തില്‍ കണ്ടെത്തിയതിനാല്‍ സൈന്യം ആണവബാലിസ്റ്റിക് മിസൈല്‍ പരീക്ഷിക്കേണ്ടെന്ന് കരുതി. പിന്നീട് ഡിസംബര്‍ 25ന് ഇത് പരീക്ഷിച്ചത്. ആദ്യ പരീക്ഷണം നടന്നത് നവമ്പര്‍ 27നാണ്.
വാസ്തവത്തില്‍ അതീവരഹസ്യമായ പദ്ധതിയായിരുന്നു ഇത്. ഇപ്പോഴും ഇന്ത്യയുടെ അരിഘട്ട് എന്ന മുങ്ങിക്കപ്പലിന്റെ വ്യക്തമായ ചിത്രം ആരുടെയും പക്കല്‍ ഇല്ല. അത്രയ്‌ക്ക് രഹസ്യമായാണ് അരിഘട്ടിന്റെ പ്രവര്‍ത്തനം. അരിഹന്‍റ് ക്ലാസില്‍പ്പെട്ട മുങ്ങിക്കപ്പലാണ് അരിഘട്ട്. അരിഹന്‍റ് ക്ലാസില്‍ ഉള്ളത് ആണവ മിസൈലുകള്‍ കൊണ്ട് ആക്രമണം നടത്താവുന്ന മുങ്ങിക്കപ്പല്‍ ആണ്. ഇനി ശത്രുവെങ്ങാനും ആണവാക്രമണം അഴിച്ചുവിട്ടാല്‍ പോലും അതിനെതിരെ മാരകമായ പ്രത്യാക്രമണം നടത്താന്‍ ശേഷിയുള്ളതാണ് അരിഹന്‍റ് ക്ലാസില്‍പ്പെട്ട മുങ്ങിക്കപ്പലുകള്‍. ഇവയില്‍ നിന്നുള്ള മാരമകായ ആണവാക്രമണം അപ്രതീക്ഷിതമായതിനാല്‍ ശത്രുവിനെ ചാമ്പലാക്കാന്‍ ശേഷിയുള്ളതാണ്. 3500 കിലോമീറ്റര്‍ വരെ അകലെയുള്ള ശത്രുസ്ഥാനത്തെ ചുട്ടുചാമ്പലാക്കാന്‍ ഈ കെ4 മിസൈലിന് കഴിയും. പാകിസ്ഥാന്റെ ഏത് ഭാഗത്തും കെ4 ആണവമിസൈലിന് എത്തിച്ചേരാന്‍ കഴിയും. അതായത് പാകിസ്ഥാനെ ചുൂട്ടുചാമ്പലാക്കാന്‍ കഴിയും എന്നര്‍ത്ഥം.
ഇനി കെ4ലെ കെ എന്താണെന്നറിയാമോ? ഇന്ത്യയുടെ മിസൈല്‍ മാന്‍ എന്നറിയപ്പെടുന്ന വ്യക്തിയുടെ പേരിന്റെ ആദ്യ അക്ഷരം. ആ വ്യക്തി ആരാണ്? കലാം തന്നെ. വാജ് പേയിയുടെ ഭരണകാലത്ത് ഇന്ത്യയില്‍ അതീവരഹസ്യമായി ആണവസ്ഫോടനം നടത്തിക്കാണിച്ച എപിജെ അബ്ദുള്‍ കലാം തന്നെ. ബ്രഹ്മോസ് പോലെ ഒരു അപകടകാരിയായ ക്രൂയിസ് മിസൈല്‍ ഇന്ത്യയ്‌ക്ക് വേണമെന്ന് കരുതി ശിവതാണുപിള്ളയെ ലണ്ടനിലേക്ക് അയച്ച മിസൈല്‍ മാനായ കലാം തന്നെ. രണ്ടാം തവണയും രാഷ്‌ട്രതിയാക്കാന്‍ ബിജെപി ആഗ്രഹിച്ചെങ്കിലും സോണിയയുടെ നേതൃത്വത്തില്‍ ഒഴിവാക്കപ്പെട്ട അതേ കലാം.
കലാം മിസൈല്‍ തൊടുത്തതോടെ ഇന്ത്യയ്‌ക്ക് ട്രയാഡ് എന്ന പദവി ലഭിച്ചു. കരയില്‍ നിന്നും വായുവില്‍ നിന്നും ആണവായുധങ്ങള്‍ തൊടുക്കാന്‍ ശേഷിയുള്ള ഇന്ത്യ കടലില്‍ നിന്നു കൂടി ആണവായുധങ്ങള്‍ തൊടുക്കാന്‍ കഴിഞ്ഞതോടെയാണ് റഷ്യ, യുഎസ്, ചൈന, ഫ്രാന്‍സ് തുടങ്ങിയ ഒന്നാം കിട ആയുധശേഷിയുള്ള രാഷ്‌ട്രങ്ങളുടെ പട്ടികയിലേക്ക് ഇന്ത്യയും പ്രവേശിച്ചത്.
ജന്മഭൂമി ഓണ്‍ലൈന്‍