2014-ല് പ്രധാനമന്ത്രി മോദി അധികാരമേറ്റ് ഒരു ദശാബ്ദത്തിനുശേഷം, 2025-ഓടെ രാജ്യത്തെ കാര്ഷിക മേഖല വലിയൊരു പരിവര്ത്തനത്തിന് സാക്ഷ്യം വഹിച്ചിരിക്കുകയാണ്. ഒരുകാലത്ത് കുറഞ്ഞ ഉത്പാദനക്ഷമത, വിലയിലെ അനിശ്ചിതത്വം, ഇറക്കുമതിയെ ആശ്രയിക്കുന്ന അവസ്ഥ എന്നിവയാല് അടയാളപ്പെടുത്തിയിരുന്ന വ്യവസ്ഥയില് നിന്ന് റെക്കോര്ഡ് ഉത്പാദനം, ഉറപ്പായ കര്ഷക വരുമാനം, ശാസ്ത്രീയ നൂതനാശയങ്ങള്, ദീര്ഘകാല സ്വയംപര്യാപ്തത എന്നിവയാല് നിര്വചിക്കപ്പെട്ട ഒന്നായി ഇതു മാറിയിരിക്കുന്നു.2025-ന്റെ പ്രത്യേകത ഏതെങ്കിലും ഒരു പദ്ധതിയോ സ്ഥിതിവിവരക്കണക്കോ അല്ല; മറിച്ച്, കഴിഞ്ഞ 11 വര്ഷത്തെ പരിഷ്കാരങ്ങള് സമന്വയിപ്പിച്ച് ഭാവിയിലേക്കുള്ള സുസജ്ജമായ കാര്ഷിക ഘടന രൂപപ്പെടുത്തിയെടുത്തു എന്നതാണ്.
ശിഥിലീകരണത്തില് നിന്നു ലക്ഷ്യബോധത്തിലേക്ക്
2025 ല് ആരംഭിച്ച പ്രധാന് മന്ത്രി ധന്-ധാന്യ കൃഷി യോജന ലക്ഷ്യബോധമുള്ളതും ഫലപ്രാപ്തിയുള്ളതുമായ കാര്ഷിക പരിഷ്കരണത്തിലേക്കുള്ള നിര്ണായക ചുവടുവെയ്പായി മാറി. 2025-26 ലെ കേന്ദ്ര ബജറ്റില് പ്രഖ്യാപിക്കുകയും ജൂലൈയില് കേന്ദ്രമന്ത്രിസഭ അംഗീകരിക്കുകയും ചെയ്ത ഈ പദ്ധതി, ഉല്പാദനക്ഷമത കുറഞ്ഞതും ജലക്ഷാമവും വായ്പ ലഭ്യതക്കുറവുമുള്ള 100 ജില്ലകളെയാണ് പ്രധാനമായും കേന്ദ്രീകരിക്കുന്നത്. 24,000 കോടി രൂപ വാര്ഷിക ചെലവ് പ്രതീക്ഷിക്കുന്ന ഈ പദ്ധതിയിലൂടെ 1.7 കോടി കര്ഷകര്ക്ക് പ്രയോജനം ലഭിക്കും.
11 മന്ത്രാലയങ്ങളിലായി നടപ്പാക്കിയിരുന്ന 36 കാര്ഷിക പദ്ധതികള് സംയോജിപ്പിച്ച്, ജങഉഉഗഥ ജില്ലാതല ഏകോപനം നടപ്പാക്കുന്നു. വികസനം കാംക്ഷിക്കുന്ന ജില്ല പദ്ധതിയില് നിന്ന് പ്രചോദനം ഉള്ക്കൊണ്ട്, ജലസേചനം, സംഭരണം, സാങ്കേതികവിദ്യ, പരിശീലനം, വായ്പാ സൗകര്യങ്ങള് എന്നിവയ്ക്ക് മുന്ഗണന നല്കുന്നു. ഇത് കാര്ഷിക പരിവര്ത്തന ദൗത്യത്തിലേക്കും സ്വയംപര്യാപ്ത ഭാരതത്തിലേക്കുമുള്ള വലിയ മുന്നേറ്റമാണ്.
പയര്വര്ഗ്ഗങ്ങള്: സ്വയംപര്യാപ്തതയിലേക്കുള്ള മുന്നേറ്റം
പയര്വര്ഗ്ഗങ്ങളുടെ ഇറക്കുമതി കുറയ്ക്കുന്നതിനായി 2025-ല് ഭാരതം 11,440 കോടി രൂപയുടെ ‘പയര്വര്ഗ്ഗങ്ങള്ക്കായുള്ള സ്വയംപര്യാപ്ത ദൗത്യം’ ആരംഭിച്ചു. 2030-31 ഓടെ 350 ലക്ഷം ടണ് പയര്വര്ഗ ഉത്പാദനവും 310 ലക്ഷം ഹെക്ടര് കൃഷിയുമാണ് ഈ ദൗത്യം ലക്ഷ്യമിടുന്നത്.
തുവര, ഉഴുന്ന്, മസൂര് പരിപ്പ് എന്നിവ കൃഷി ചെയ്യുന്ന കര്ഷകര്ക്ക് ഇതാദ്യമായി നാല് വര്ഷത്തേക്ക് 100% താങ്ങുവില ഉറപ്പാക്കുകയും ഗുണമേന്മയുള്ള വിത്തുകളുടെ വിതരണം വിപുലമാക്കുകയും ചെയ്തു. ഏകദേശം രണ്ട് കോടി കര്ഷകര്ക്ക് പ്രയോജനം ലഭിക്കുന്ന ഈ പദ്ധതി, വരുമാനം സുസ്ഥിരമാക്കുന്നതിനും പോഷകാഹാര സുരക്ഷ ഉറപ്പാക്കുന്നതിനും സഹായിക്കുന്നു. പയര്വര്ഗ ഉത്പാദനത്തില് സ്വയംപര്യാപ്തത കൈവരിക്കാനുള്ള ഭാരതത്തിന്റെ നിര്ണായക നീക്കമാണിത്.
കൃഷി-വ്യവസായ ബന്ധത്തിനു കരുത്തു പകരല്: പരുത്തി ദൗത്യം
2025-26 ലെ കേന്ദ്രബജറ്റില് പ്രഖ്യാപിച്ച പഞ്ചവത്സര പരുത്തി ദൗത്യം, കര്ഷകര്ക്കുള്ള ശാസ്ത്ര സാങ്കേതിക പിന്തുണയിലൂടെ, പ്രത്യേകിച്ച് എക്സ്ട്രാ ലോങ്ങ് സ്റ്റേപ്പിള് പരുത്തിയില്, ഉത്പാദനക്ഷമത വര്ദ്ധിപ്പിക്കുന്നതില് ശ്രദ്ധ കേന്ദ്രീകരിക്കുന്നു.
ഗുണനിലവാരമുള്ള പരുത്തിയുടെ സ്ഥിരമായ വിതരണം ഉറപ്പാക്കുന്നതിലൂടെ, ദൗത്യം ഭാരതത്തിന്റെ തുണിത്തര മേഖലയെ ശക്തിപ്പെടുത്തുന്നു. ഈ മേഖലയിലെ 80% ശേഷിയും ചെറുകിട-ഇടത്തരം സംരംഭങ്ങളുടേതാണ്. കൃഷിയിടങ്ങളെ ആഗോള വിപണികളുമായി ബന്ധിപ്പിക്കുന്ന ‘5എ’ കാഴ്ചപ്പാട് (F-arm to Fibre to Factory to Fashion to Foreign) നടപ്പാക്കുന്നതിലൂടെ, വ്യവസായ രംഗത്തെ മത്സരശേഷി വര്ദ്ധിപ്പിക്കുന്ന പ്രധാന ഘടകമായി കൃഷിയെ മാറ്റാന് ഇതിലൂടെ സാധിക്കുന്നു.
റിക്കാര്ഡ് ഉല്പ്പാദനം: ദശകത്തിലെ പരിഷ്കരണങ്ങളുടെ ഫലം
2025 നവംബറില് കൃഷി മന്ത്രാലയം പുറത്തുവിട്ട കണക്കുകള് പ്രകാരം, 2024-25 കാലയളവില് രാജ്യം 357.73 ദശലക്ഷം ടണ് ഭക്ഷ്യധാന്യങ്ങള് ഉല്പാദിപ്പിച്ച് ചരിത്ര നേട്ടം കൈവരിച്ചു.
2015-16 കാലഘട്ടത്തിലെ 251.54 ദശലക്ഷം ടണ്ണുമായി താരതമ്യം ചെയ്യുമ്പോള്, ഇത് 106 ദശലക്ഷം ടണ്ണിലധികം വര്ദ്ധനയാണ് കാണിക്കുന്നത്. കഴിഞ്ഞ പത്ത് വര്ഷത്തിനിടയില് രേഖപ്പെടുത്തിയ ഏറ്റവും ഉയര്ന്ന വര്ദ്ധനയാണിത്.
2025-ല് പ്രഖ്യാപിച്ച പ്രധാന നേട്ടങ്ങള് ഇവയാണ്:
അരി ഉത്പാദനം 1,501.84 ലക്ഷം ടണ് എന്ന റെക്കോര്ഡിലെത്തി
ഗോതമ്പ് ഉത്പാദനം 1,179.45 ലക്ഷം ടണ് രേഖപ്പെടുത്തി; സമീപകാല ചരിത്രത്തിലെ ഏറ്റവും ഉയര്ന്ന വാര്ഷിക വര്ദ്ധനയാണിത്
പയര്വര്ഗ്ഗങ്ങളുടെ ഉത്പാദനം 256.83 ലക്ഷം ടണ്ണിലെത്തി
എണ്ണക്കുരുക്കളുടെ ഉത്്പാദനം 429.89 ലക്ഷം ടണ് എന്ന റെക്കോര്ഡ് നേട്ടത്തിലെത്തി.
2025-ന്റെ ആദ്യ പാദത്തില്, കാര്ഷിക മേഖല 3.7% വളര്ച്ച രേഖപ്പെടുത്തി. ലോകത്തിലെ ഏറ്റവും വേഗത്തില് വളരുന്ന കാര്ഷിക സമ്പദ്വ്യവസ്ഥകളില് ഒന്നായി ഇത് മാറി.
താങ്ങുവില: നയവാഗ്ദാനത്തില് നിന്ന് വരുമാന സംരക്ഷണത്തിലേക്ക്
ഈ പരിവര്ത്തനത്തിന്റെ നിര്ണായക സ്തംഭം കുറഞ്ഞ താങ്ങുവില ശക്തിപ്പെടുത്തലായിരുന്നു. 2014-ന് മുമ്പ്, സര്ക്കാര് സംഭരണം പരിമിതമായിരുന്നതിനാല് താങ്ങുവില എന്നത് പലപ്പോഴും പ്രതീകാത്മക സംവിധാനം മാത്രമായിരുന്നു. എന്നാല്, പ്രധാനമന്ത്രി മോദിയുടെ നേതൃത്വത്തില്, താങ്ങുവില എന്നത് യഥാര്ത്ഥ വരുമാന സംരക്ഷണം ഉറപ്പാക്കുന്ന വ്യവസ്ഥിതിയായി മാറി.
2025-ല്, 14 ഖാരിഫ് വിളകള്ക്കും എല്ലാ നിര്ബന്ധിത റാബി വിളകള്ക്കും വര്ദ്ധിപ്പിച്ച കുറഞ്ഞ താങ്ങുവില സര്ക്കാര് അംഗീകരിച്ചു. ഉല്പാദനച്ചെലവിന്റെ 1.5 മടങ്ങായി എംഎസ്പി നിശ്ചയിക്കുക എന്ന തത്വം കര്ശനമായി പാലിച്ചായിരുന്നു നടപടി.
ഒരു ദശാബ്ദത്തെ താരതമ്യം: വ്യക്തമായ മാറ്റത്തിന്റെ തെളിവുകള്
- നെല്ല് സംഭരണം (2014-15 മുതല് 2024-25 വരെ): മുന് ദശകത്തിലെ 4,590 ലക്ഷം മെട്രിക് ടണ്ണിനെ അപേക്ഷിച്ച് 7,608 ലക്ഷം മെട്രിക് ടണ്ണിലെത്തി.
- നെല്കര്ഷകര്ക്കുള്ള താങ്ങുവില വിതരണം 14.16 ലക്ഷം കോടി രൂപയായി ഉയര്ന്നു. 2014 ന് മുമ്പ് നല്കിയ തുകയുടെ മൂന്നിരട്ടിയിലധികമാണിത്.
- 14 ഖാരിഫ് വിളകള്ക്കുള്ള മൊത്തം താങ്ങുവില വിതരണം 16.35 ലക്ഷം കോടി രൂപയിലെത്തി. നേരത്തെ ഇത് 4.75 ലക്ഷം കോടി രൂപയായിരുന്നു.
- 2025-ഓടെ, വെറും പ്രഖ്യാപനം എന്നതിലുപരി കര്ഷകര്ക്ക് വിശ്വസിക്കാവുന്ന സാമ്പത്തിക ഉറപ്പായി താങ്ങുവില മാറി.
മുഖമുദ്രയാകുന്ന ശാസ്ത്രവും സുസ്ഥിരതയും
2025-ല്, ജീനോം എഡിറ്റിങ് നടത്തിയ നെല്ലിനങ്ങള് വികസിപ്പിക്കുകയും പുറത്തിറക്കുകയും ചെയ്യുന്ന ലോകത്തിലെ ആദ്യത്തെ രാജ്യമായി ഭാരതം മാറി. കാര്ഷിക ശാസ്ത്രരംഗത്തെ ആഗോളതലത്തിലെ തന്നെ സുപ്രധാനമായ നേട്ടമാണിത്.
ഡിആര്ആര് ധന് 100 (കമല), പൂസ ഡിഎസ്ടി അരി 1 എന്നീ രണ്ടിനങ്ങള് ഉയര്ന്ന വിളവ് നല്കുന്നതിനൊപ്പം വേഗത്തില് വിളവെടുപ്പിന് പാകമാകുന്നവയും ഉപ്പുരസത്തെയും ക്ഷാരഗുണത്തെയും പ്രതിരോധിക്കാന് ശേഷിയുള്ളവയുമാണ്. നിശ്ചിത പ്രദേശങ്ങളില് ഇവ കൃഷി ചെയ്യുന്നതിലൂടെ 4.5 ദശലക്ഷം ടണ് അധിക നെല്ല് ഉല്പാദിപ്പിക്കാനും ഉല്പാദനച്ചെലവ് കുറയ്ക്കാനും കാലാവസ്ഥാ വ്യതിയാനങ്ങളെ അതിജീവിക്കാനും സാധിക്കുമെന്ന് പ്രതീക്ഷിക്കുന്നു.
