439 മുതല് 535 വരെ കാറ്റഗറികളില്പ്പെടുന്ന തസ്തികകള്ക്ക് 31 വരെ അപേക്ഷിക്കാം
സര്വ്വകലാശാലകളില് അസിസ്റ്റന്റ്, പോലീസ് ഇന്സ്പെക്ടര് ട്രെയിനി, ജയിലര് മുതലായ നിരവധി തസ്തികകള്ക്ക് അപേക്ഷിക്കാവുന്നത്
കേരള പബ്ലിക് സര്വീസ് കമ്മീഷന് (പിഎസ്സി) 439 മുതല് 535/2025 വരെ കാറ്റഗറികളില്പ്പെടുന്ന വിവിധ തസ്തികകളിലേക്ക് അപേക്ഷ ക്ഷണിച്ചു. തസ്തികകളും ശമ്പളവും യോഗ്യതാ മാനദണ്ഡങ്ങളും സെലക്ഷന് നടപടികളും അടക്കമുള്ള വിജ്ഞാപനം നവംബര് 28ലെ അസാധാരണ ഗസറ്റിലും www.keralapsc.gov.in/notifications ലിങ്കിലും ലഭിക്കും. യോഗ്യരായ ഉദ്യോഗാര്ത്ഥികള്ക്ക് ഒറ്റതവണ രജിസ്ട്രേഷന് നടത്തി ഓണ്ലൈനില് നിര്ദ്ദേശാനുസരണം ഡിസംബര് 31 വരെ അപേക്ഷിക്കാം. ജനറല് വിഭാഗത്തില്പ്പെടുന്ന ചല തസ്തികകളുടെ സംക്ഷിപ്ത വിവരങ്ങള് ചുവടെ-
സബ് ഇന്സ്പെക്ടര് ഓഫ് പോലീസ് (ട്രെയിനി): കേരള സിവില് പോലീസ് വകുപ്പ്, നേരിട്ടുള്ളനിയമനം. ശമ്പളം 45,600-95,600 രൂപ. പ്രതീക്ഷിത ഒഴിവുകള്: പുരുഷന്മാര്ക്കും വനിതകള്ക്കും അപേക്ഷിക്കാം. ഭിന്നശേഷിക്കാരെ പരിഗണിക്കില്ല. മൂന്ന് കാറ്റഗറികളിലായാണ് തെരഞ്ഞെടുപ്പ്. 1. ഓപ്പണ് മാര്ക്കറ്റ്, 2. പോലീസിലേയും വിജിലന്സിലേയും ബിരുദക്കാരായ മിനിസ്റ്റീരിയല് ജീവനക്കാര്, ഫിംഗര്പ്രിന്റ് ബ്യൂറോയിലെ ഫിംഗര് പ്രിന്റ് എക്സ്പെര്ട്ട്, ഫിംഗര്പ്രിന്റ്സെര്ച്ചര് എന്നിവരില്നിട്ടുള്ള നേരിട്ടുള്ള നിയമനം. 3. പോലീസ്/വിജിലന്സ് വകുപ്പുകളിലെ പ്രമോഷന് പൂര്ത്തീകരിച്ച ബിരുദധാരികളായ പോലീസ് കോണ്സ്റ്റബിള്/ഹെഡ്കോണ്സ്റ്റബിള്, സമാന തസ്തികകളില് ജോലി നോക്കുന്നവര് എന്നിവരില്നിന്നും നേരിട്ടുള്ള നിയമനം.
വിദ്യാഭ്യാസ യോഗ്യത: ബിരുദം. പ്രായപരിധി 20-31/36 വയസ്. ശാരീരിക യോഗ്യതകള്-പുരുഷന്മാര്ഉയരം 165.10 സെ.മീറ്റര് (എസ്സി/എസ്ടി 160.02 സെ.മീറ്റര്), നെഞ്ചളവ് 81.28 സെ.മീറ്റര്; വികാസം 5.08 സെ.മീറ്റര്. വനിതകള്- ഉയരം 160 സെ.മീറ്റര്, എസ്സി/എസ്ടി 155 സെ.മീറ്റര്. നല്ല കാഴ്ചശക്തിയുണ്ടായിരിക്കണം. വൈകല്യങ്ങള് പാടില്ല.
ആംഡ് പോലീസ് സബ് ഇന്സ്പെക്ടര് (ട്രെയിനി), ആംഡ് പോലീസ് ബറ്റാലിയന്. ശമ്പളം 45,600-95,600 രൂപ. പ്രതീക്ഷിത ഒഴിവുകള്. വനിതകളും ഭിന്നശേഷിക്കാരും അപേക്ഷിക്കാന് അര്ഹരല്ല. രണ്ട് കാറ്റഗറികളിലായാണ് തെരഞ്ഞെടുപ്പ്. 1. ഓപ്പണ് മാര്ക്കറ്റ് 2. കോണ്സ്റ്റാബുലറി (ബിരുദക്കാരായ പോലീസ് കോണ്സ്റ്റബിള്, ഹെഡ്കോണ്സ്റ്റബിള്, പോലീസ്, വിജിലന്സ് വകുപ്പുകളിലെ തത്തുല്യ റാങ്കുള്ള ഉദ്യോഗസ്ഥര് എന്നിവരില്നിന്നുള്ള നേരിട്ടുള്ള നിയമനം).
വിദ്യാഭ്യാസ യോഗ്യത-ബിരുദം. പ്രായപരിധി 20-31/36 വയസ്. ശാരീരിക യോഗ്യതകള്- ഉയരം 167 സെ.മീറ്റര്, നെഞ്ചളവ് 81 സെ.മീറ്റര്, വികാസം- 5 സെ.മറ്റര്. നല്ല കാഴ്ചശക്തിയുണ്ടായിരിക്കണം. വൈകല്യങ്ങള് പാടില്ല.
അസിസ്റ്റന്റ് ജയിലര് ഗ്രേഡ്-1/സൂപ്രണ്ട് സബ്ജയില്/സൂപ്പര്വൈസര് ഓപ്പണ് പ്രിസണ്/ലക്ചറര്, ട്രെയിനിങ് ഓഫീസര് സ്റ്റേറ്റ് ഇന്സ്റ്റിറ്റ്യൂട്ട് ഓഫ് കറക്ഷണല് അഡ്മിനിസ്ട്രേഷന്/സ്റ്റോര് കീപ്പര് ഓപ്പണ് പ്രിസണ്: ശമ്പളം 43400-91200 രൂപ. പ്രതീക്ഷിത ഒഴിവുകള്. നേരിട്ടുള്ള നിയമനം. യോഗ്യത: ബിരുദം. പ്രായപരിധി 18-36 വയസ്. ശാരീരിക േയാഗ്യതകള്: ഉയരം- 165 സെ.മീറ്റര്, നെഞ്ചളവ് 81.3 സെ.മീറ്റര്, വികാസം 5 സെ.മീറ്റര്. എസ്സി/എസ്ടി വിഭാഗങ്ങള്ക്ക് ഉയരം 160 സെ.മീറ്റര് മതി. നല്ല കാഴ്ചശക്തി വേണം. വൈകല്യങ്ങള് പാടില്ല.
ബന്ധപ്പെട്ട വകുപ്പിലെ നിശ്ചിത യോഗ്യതയുള്ള മിനിസ്റ്റീരിയല് ജീവനക്കാര്ക്കും മറ്റും നേരിട്ടുള്ള നിയമനത്തിന് അപേക്ഷിക്കാം.
അസിസ്റ്റന്റ് (കേരളത്തിലെ സര്വ്വകലാശാലകള്). ശമ്പളം 39300-83000 രൂപ. പ്രതീക്ഷിത ഒഴിവുകള്. നേരിട്ടുള്ള നിയമനം. യോഗ്യത: ബിരുദം. പ്രായപരിധി 18-36 വയസ്.
മറ്റ് പിന്നോക്ക വിഭാഗത്തിലും പട്ടികജാതി വിഭാഗത്തിലും ഉള്പ്പെട്ടവര്ക്ക് നിയമാനുസൃത വയസ്സിളവ് ലഭിക്കും.
ഇലക്ട്രീഷ്യന് (കേരളത്തിലെ സര്വ്വകലാശാലകള്), ശമ്പളം 18000-45000 രൂപ. പ്രതീക്ഷിത ഒഴിവുകള്. നേരിട്ടുള്ള നിയമനം. യോഗ്യത- എസ്എസ്എല്സി/തത്തുല്യം + എന്റ്റിസി ഇലക്ട്രിക്കല്/വയര്മാന് (വയര്മാന് ലൈസന്സും വയര്മാന്/ഇലക്ട്രീഷ്യന് ആയി രണ്ടുവര്ഷത്തെ പ്രവൃത്തിപരിചയമുള്ളവരെയും പരിഗണിക്കും). പ്രായപരിധി 18-36 വയസ്.
തസ്തികകളും വിശദമായ യോഗ്യതാ മാനദണ്ഡങ്ങളും അപേക്ഷിക്കേണ്ട രീതിയും വിജ്ഞാപനത്തിലുണ്ട്.
