നമ്മുടെ പ്രകൃതിയിൽ കാണപ്പെടുന്ന ഭൂരിഭാഗം ജീവികളും തങ്ങളുടെ സ്വയം സംരക്ഷണാർത്ഥമാണ് മനുഷ്യരെ ആക്രമിക്കുന്നത്. ഇത്തരം ആക്രമണങ്ങൾ മൂലമുണ്ടാകുന്ന പരിക്കുകൾ എല്ലായ്പ്പോഴും മരണകാരണമല്ലെങ്കിലും പലതും ഗുരുതരമായ ആരോഗ്യപ്രശ്നങ്ങളിലേക്ക് നയിച്ചേക്കാം. കഠിനമായ വേദന, നീർവീക്കം, കടിയേറ്റ ഭാഗത്തെ ചുവന്ന നിറം എന്നിവയാണ് പ്രാഥമിക ലക്ഷണങ്ങൾ.
ബോക്സ് ജെല്ലിഫിഷ്
സമുദ്രത്തിലെ ഏറ്റവും മാരകമായ ജീവികളിൽ ഒന്നാണ് ബോക്സ് ജെല്ലിഫിഷ്. ഇതിന്റെ വിഷം മനുഷ്യ ശരീരത്തിലെത്തിയാൽ മിനിറ്റുകൾക്കുള്ളിൽ ഹൃദയസ്തംഭനത്തിന് കാരണമാകും.
ബ്ലാക്ക് വിഡോ സ്പൈഡർ
വേദനയേറിയതും വിഷലിപ്തവുമായ കടിയാണ് ഇവയുടേത്. ശ്വാസതടസ്സം, ഉയർന്ന രക്തസമ്മർദ്ദം, ശരീരപേശികൾക്ക് ബലക്കുറവോ തളർച്ചയോ അനുഭവപ്പെടുക തുടങ്ങിയവയാണ് ഇതിന്റെ കടിയേറ്റാലുള്ള ലക്ഷണങ്ങൾ. ഇവയിൽ പെൺ ചിലന്തികളുടെ കടിയേറ്റാലാണ് ലക്ഷണങ്ങൾ ഗുരുതരമാകുന്നത്. ശരീരപേശികൾക്ക് ബലക്കുറവോ തളർച്ചയോ അനുഭവപ്പെടാം. ഗർഭിണികൾക്ക് ഈ ചിലന്തിയുടെ കടിയേറ്റാൽ ഗർഭാശയ സങ്കോചത്തിനും നേരത്തെയുള്ള പ്രസവത്തിനും സാധ്യതയുണ്ട്. ആൺ ചിലന്തികളിൽ വിഷത്തിന്റെ അളവ് വളരെ കുറവായതിനാൽ അവയുടെ കടി അത്ര അപകടകരമല്ല.
പിറ്റ് വൈപ്പർ
ഏഷ്യയിലും അമേരിക്കയിലും കാണപ്പെടുന്ന അണലികളുടെ ഒരു ഉപകുടുംബമാണ് പിറ്റ് വൈപ്പർ. ജനവാസ മേഖലകളിൽ സാധാരണയായി കണ്ടുവരുന്ന ഈ പാമ്പുകളുടെ കടിയേറ്റാൽ കോശങ്ങൾക്ക് സ്ഥിരമായ നാശം സംഭവിക്കാൻ സാധ്യതയുണ്ട്.
ബുള്ളറ്റ് ആന്റ്
മറ്റ് പ്രാണികളിൽ വെച്ച് ഏറ്റവും കഠിനമായ വേദന നൽകുന്ന ഒന്നാണ് ബുള്ളറ്റ് ആന്റ് . തെക്കേ അമേരിക്കയിൽ കാണപ്പെടുന്ന ഇവ കടിക്കുമ്പോഴുണ്ടാകുന്ന കഠിനമായ വേദന ഏകദേശം 24 മണിക്കൂർ നീണ്ടുനിൽക്കും. ഈ വേദന അസഹനീയമാണെങ്കിലും ഇതിന്റെ കടി മാരകമല്ല. കൂടാതെ ശരീരത്തിന് സ്ഥിരമായ പരിക്കുകൾ ഇവ ഉണ്ടാക്കാറുമില്ല.
