കാലടി: ആദിശങ്കര ട്രസ്റ്റിന്റെ ഈ വര്ഷത്തെ ശങ്കര പുരസ്കാരത്തിന് ഗാനരചയിതാവ് ശ്രീകുമാരന് തമ്പി അര്ഹനായി. ഒരുലക്ഷത്തിയൊന്ന് രൂപയും വെങ്കലശില്പവും അടങ്ങുന്നതാണ് പുരസ്കാരം. 20ന് വൈകിട്ട് 6ന് ശ്രീശാരദ വിദ്യാലയത്തില് നടക്കുന്ന ചടങ്ങില് ആദിശങ്കര മാനേജിങ് ട്രസ്റ്റി അഡ്വ. കെ. ആനന്ദ് പുരസ്കാരം സമ്മാനിക്കും.
സംസ്ഥാന ചലച്ചിത്ര പുരസ്കാര ജേതാവും ഗായകനുമായ കെ.എസ്. സുദീപ് കുമാര് മുഖ്യാതിഥിയാവും. ഗായിക കെ.എസ്. ചിത്ര, ഗായകരായ ജി. വേണുഗോപാല്, ഉണ്ണി മേനോന്, ഐഎസ്ആര്ഒ മുന് ചെയര്മാന് എസ്. സോമനാഥ്, നടനും നര്ത്തകനുമായ വിനീത്, ചെസ് ചാമ്പ്യന് പ്രജ്ഞാനന്ദ തുടങ്ങിയവര് മുന് വര്ഷങ്ങളില് ഈ പുരസ്കാരത്തിന് അര്ഹരായിട്ടുണ്ട്.
