കൊച്ചി: അക്ഷയ പുസ്തകനിധി എബനേസര്‍ എഡ്യൂക്കേഷണല്‍ അസോസിയേഷനുമായി സഹകരിച്ച് നല്‍കുന്ന പ്രൊഫ. എം.പി. മന്മഥന്‍ അക്ഷയ പുരസ്‌കാരത്തിന് കവിയും ഗാനരചയിതാവുമായ ശ്രീകുമാരന്‍ തമ്പി അര്‍ഹനായി. ഒരു ലക്ഷം രൂപയും ശില്പവും അടങ്ങുന്നതാണ് പുരസ്‌കാരം.
സാംസ്‌കാരിക വിദ്യാഭ്യാസ മേഖലകളില്‍ നല്‍കിയ മികവാര്‍ന്ന സേവനത്തെ പരിഗണിച്ച് നല്‍കുന്ന അക്ഷയ പുരസ്‌കാരത്തിന് എറണാകുളം കരയോഗം സെക്രട്ടറി പി. രാമചന്ദ്രന്‍, കൊച്ചി അന്താരാഷ്‌ട്ര പുസ്തകോത്സവസമിതി പ്രസിഡന്റ് ഇ.എന്‍. നന്ദകുമാര്‍, സൂറത്ത് കേരളകലാസമിതി പ്രസിഡന്റ് സുരേഷ് പി. നായര്‍ എന്നിവര്‍ അര്‍ഹരായി. അക്ഷയ പുസ്തകനിധി പ്രസിഡന്റ് പായിപ്ര രാധാകൃഷ്ണന്റെ അധ്യക്ഷതയില്‍ 26ന് രാവിലെ 10ന് എറണാകുളം ബിടിഎച്ചില്‍ നടക്കുന്ന എം.പി. മന്മഥന്‍ അനുസ്മരണ യോഗത്തില്‍ മുഖ്യമന്ത്രി വി.ഡി. സതീശന്‍ പുരസ്‌കാരം സമ്മാനിക്കും.
