കൊല്‍ക്കത്ത: ലയണല്‍ മെസ്സിയുടെ ഗോട്ട് ഇന്ത്യ ടൂറിന്റെ സംഘാടകന്‍ സതാദ്രു ദത്തയെ ബിധാനഗര്‍ കോടതി 14 ദിവസത്തെ പോലീസ് കസ്റ്റഡിയില്‍ വിട്ടു.
കൊല്‍ക്കത്തയിലെ സാള്‍ട്ട് ലേക്ക് സ്റ്റേഡിയത്തില്‍ ഫുട്‌ബോള്‍ താരം മെസ്സി പങ്കെടുക്കാനിരുന്ന പരിപാടിയില്‍ സംഘര്‍ഷം ഉണ്ടായതിനെ തുടര്‍ന്നാണ് കൊല്‍ക്കത്ത വിമാനത്താവളത്തില്‍ നിന്ന് ദത്തയെ അറസ്റ്റു ചെയ്തത്.
സ്റ്റേഡിയത്തിലെ പ്രശ്‌നങ്ങളില്‍ തനിക്ക് ഉത്തരവാദിത്തമില്ലെങ്കിലും കാണികള്‍ക്ക് പണം തിരികെ നല്‍കുമെന്ന് അദ്‌ദേഹം ഉറപ്പ് നല്‍കിയിട്ടുണ്ട്.
സംഘാടകരും കാണികളും ഗ്രൗണ്ടില്‍ മെസ്സിക്കു ചുറ്റും തടിച്ചുകൂടിയതോടെ ഗാലറിയില്‍ ഇരിക്കുന്നവരുടെ കാഴ്ച തടസ്സപ്പെട്ടു. തിരക്കു കൂടിയപ്പോള്‍ മെസ്സി നേരത്തെ സ്റ്റേഡിയം വിട്ട് പോയി. ഇതോടെ വന്‍ തുക മുടക്കി ടിക്കറ്റെടുത്ത ആരാധകര്‍ പ്രകോപിതരാവുകയായിരുന്നു. സംഭവത്തില്‍ അന്വേഷണം പുരോഗമിക്കുകയാണെന്ന് എഡിജിപി ജാവേദ് ഷമീം പറഞ്ഞു.
മെസ്സിയുടെ ഗോട്ട് ഇന്ത്യ ടൂറിന്റെ സംഘാടകന്‍ സതാദ്രു ദത്തയെ പോലീസ് കസ്റ്റഡിയില്‍ വിട്ടു
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
ജന്മഭൂമി ഓണ്‍ലൈന്‍© Mathruka Pracharanalayam Limited.
Tech-enabled by Ananthapuri Technologies.