കൊച്ചി:നടിയെ ആക്രമിച്ച കേസില് ശിക്ഷിക്കപ്പെട്ട പ്രതികളില് ഒന്നാം പ്രതി പള്സര് സുനിക്ക് ഇനി അനുഭവിക്കേണ്ടത് 13 വര്ഷം തടവ്. ഏഴര വര്ഷത്തോളം വിചാരണ തടവില് കഴിഞ്ഞതിനാലാണ് ഇത്.
രണ്ടാം പ്രതി മാര്ട്ടിന് ആന്റണി ഏഴ് വര്ഷത്തോളം വിചാരണ തടവില് കഴിഞ്ഞതിനാല് ഇയാളും 13 വര്ഷം തടവില് കഴിഞ്ഞാല് മതി.ഇവര്ക്ക് 2039 ഓടെ ജയിലില് നിന്ന് പുറത്തിറങ്ങാം.
മൂന്നാം പ്രതി തമ്മനം മണപ്പാട്ടിപ്പറമ്പില് ബാബു മകന് ബി.മണികണ്ഠന് മൂന്നര വര്ഷമായി വിചാരണ തടവിലാണ്. ഇയാള് അവശേഷിക്കുന്ന 16 വര്ഷവും ആറ് മാസവും ശിക്ഷ അനുഭവിക്കണം. നാലാം പ്രതി കണ്ണൂര് കതിരൂര് മംഗലശേരി വീട്ടില് രാമകൃഷ്ണന് മകന് വി.പി.വിജീഷ് രണ്ട് വര്ഷമായി വിചാരണ തടവിലാണ്. ഇയാള് 16 വര്ഷവും ആറ് മാസവും കൂടി ശിക്ഷ അനുഭവിക്കണം.
അഞ്ചാം പ്രതി എറണാകുളം കുന്നുംപുറം പള്ളിക്കപ്പറമ്പില് വീട്ടില് ഹസന് മകന് എച്ച്.സലീം എന്ന വടിവാള് സലിം രണ്ട് വര്ഷം വിചാരണ തടവ് അനുഭവിച്ചു.ഇനി 18 വര്ഷം തടവില് കഴിയണം.
ആറാം പ്രതി തിരുവല്ല പെരിങ്ങറ പഴയനിലത്തില് വീട്ടില് ഉഷ ശ്രീഹരന് മകന് പ്രതീപും രണ്ട് വര്ഷമായി വിചാരണ തടവിലാണ്.ഇനി 18 വര്ഷം ശിക്ഷാ കാലാവധിയാണ് ബാക്കിയുള്ളത്.
