ന്യൂദല്ഹി: മദ്രാസ് ഹൈക്കോടതിയില് ‘എന്തോ കുഴപ്പമുണ്ടെന്ന്’ സുപ്രീം കോടതി. കരൂര് ദുരന്തവുമായി ബന്ധപ്പെട്ട കേസില് ഹൈക്കോടതി രജിസ്ട്രാര് ജനറല് അയച്ച റിപ്പോര്ട്ട് പരിശോധിച്ച ശേഷം ജസ്റ്റിസുമാരായ ജെ.കെ. മഹേശ്വരി, വിജയ് ബിഷ്ണോയ് എന്നിവരടങ്ങിയ ബെഞ്ചാണ് ഇങ്ങനെ അഭിപ്രായപ്പെട്ടത്. കോടതി ഈ റിപ്പോര്ട്ട് കക്ഷികളുടെ അഭിഭാഷകര്ക്ക് കൈമാറാന് നിര്ദ്ദേശിക്കുകയും അവരുടെ പ്രതികരണം തേടുകയും ചെയ്തു. നടന് വിജയ്യുടെ രാഷ്ട്രീയ പാര്ട്ടിയായ ടിവികെ നടത്തിയ റാലിക്കിടെയുണ്ടായ ദുരന്തത്തില് സ്വതന്ത്ര അന്വേഷണം ആവശ്യപ്പെട്ടുള്ള ഹര്ജികള് പരിഗണിക്കുന്നതിനിടെ, മദ്രാസ് ഹൈക്കോടതി ഈ വിഷയത്തില് ഇടപെട്ട രീതിയെക്കുറിച്ചാണ് സുപ്രീം കോടതി ചോദ്യങ്ങള് ഉന്നയിച്ചത്.
കരൂര് മധുര ബെഞ്ചിന്റെ അധികാരപരിധിയില് വരുമ്പോള്, ചെന്നൈ ഹൈക്കോടതിയുടെ പ്രിന്സിപ്പല് ബെഞ്ച് സംസ്ഥാന പോലീസ് ഉദ്യോഗസ്ഥര് മാത്രം ഉള്പ്പെടുന്ന ഒരു എസ്ഐടി രൂപീകരിക്കാന് നിര്ദ്ദേശിച്ചതെങ്ങിനെയെന്ന് സുപ്രീം കോടതി ആരാഞ്ഞു. ചെന്നൈ ബെഞ്ചില് സമര്പ്പിച്ച ഹര്ജി രാഷ്ട്രീയ റാലികള്ക്കായി ഒരു എസ്ഒപി രൂപീകരിക്കാന് മാത്രമാണ് . എന്നാല് എസ്ഐടിക്കാണ് നിര്ദ്ദേശം നല്കിയത്. ഇത്തരം അവ്യക്തതകള് നിലനില്ക്കെയാണ് ഒക്ടോബര് 13 ന് സിബിഐ അന്വേഷണത്തിനായി പുറപ്പെടുവിച്ച ഇടക്കാല ഉത്തരവില് ഹൈക്കോടതി ചെന്നൈ ബെഞ്ച് സ്വീകരിച്ച നിലപാട് വിശദീകരിക്കുന്ന റിപ്പോര്ട്ട് കോടതി ഹൈക്കോടതി രജിസ്ട്രാര് ജനറലില് നിന്ന് ആവശ്യപ്പെട്ടത്.
മദ്രാസ് ഹൈക്കോടതിയില് ‘എന്തോ കുഴപ്പമുണ്ടെന്ന്’ സുപ്രീം കോടതി, പരാമര്ശം കരൂര് ദുരന്തവുമായി ബന്ധപ്പെട്ട കേസില്
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.