കൊല്ക്കത്ത: ന്യൂനപക്ഷപ്രീണനം തൊഴിലാക്കിയ മുഖ്യമന്ത്രി മമത ബാനര്ജിയ്ക്കെതിരെ ക്ഷേത്രവിശ്വാസികളുടെ രോഷവും പരിഹാസവും വര്ധിക്കുന്നു. ഈയിടെ കൂച് ബീഹാറിലെ മദന്മോഹന് മന്ദിരത്തില് പ്രാര്ത്ഥനയില് പങ്കെടുക്കാന് ചെന്ന മമതയുടെ പ്രകടനങ്ങളുടെ വീഡിയോ വൈറലായി പ്രചരിക്കുകയാണ്.
Mamata Banerjee neither follows Hindu traditions nor understands them. She clearly doesn’t even know how to ring a temple bell (Ghanta).
She may boycott the Gita recital for her own “special” reasons, and that’s her choice.
But she has no right to go to the Madan Mohan Mandir in… pic.twitter.com/ppg7bJykfz— BJP West Bengal (@BJP4Bengal) December 9, 2025
ഈ വീഡിയോയില് മമതയ്ക്ക് ക്ഷേത്രത്തിലെ പൂജാരിയുടെ മണി മുഴക്കേണ്ടത് എങ്ങിനെ എന്നറിയുന്നില്ല. പല രീതിയില് മണി മുഴക്കുന്ന മമതയെ വീഡിയോയില് കാണാം. വടി വീശുന്നതുപോലെ മമത മണിമുഴക്കുന്നതിന് നൂറുകണക്കിന് പരിഹാസമറുപടികളാണ് ഉയരുന്നത്.
ഇത്രയും കാലം ബംഗാളില് മുസ്ലിം ന്യൂനപക്ഷപ്രീണനത്തിലൂടെ അധികാരത്തില് കടിച്ചുതൂങ്ങിയ മുഖ്യമന്ത്രിയാണ് മമത ബാനര്ജി. ബിജെപി വിരുദ്ധ, കമ്മ്യൂണിസ്റ്റ് വിരുദ്ധ പരമ്പരാഗത ഹിന്ദുവോട്ടുകളും ഇതിന് പുറമെ അവര്ക്ക് കിട്ടി. പക്ഷെ ഒരു മതേതര മുഖ്യമന്ത്രി എന്ന് കാണിക്കാന് മമത കാട്ടിക്കൂട്ടുന്ന കോപ്രായങ്ങള് ഇപ്പോള് കൂടുതല് പരിഹാസ്യമാവുകയാണ്.
ഇപ്പോഴിതാ മുര്ഷിദാബാദില് ബാബറി മസ്ജിദ് പണിയാന് കച്ചകെട്ടി തൃണമൂലിലെ എംഎല്എ ഹുമയൂണ് കബീര് രംഗത്തെത്തിയിരിക്കുകയാണ്. ഇതോടെ താന് മതേതരമുഖ്യമന്ത്രിയാണെന്ന് കാണിക്കാന് ഹുമയൂണ് കബീറിനെ പുറത്താക്കിയതായി പ്രഖ്യാപിക്കുകയായിരുന്നു മമത. പക്ഷെ താന് വേറെ പാര്ട്ടി രൂപീകരിക്കുമെന്നും മമത നാലാമതും മുഖ്യമന്ത്രിയാകാന് പോകുന്നില്ലെന്നും മുസ്ലിം ഭൂരിപക്ഷമുള്ള 90 മണ്ഡങ്ങളില് തന്റെ പാര്ട്ടി എംഎല്എ മാരെ നേടിയെടുക്കുമെന്നും ഹുമയൂണ് കബീര് വെല്ലുവിളിച്ചിരിക്കുകയാണ്. ഇതോടെ മമത അങ്കലാപ്പിലാണ്. മമതയുടെ പാര്ട്ടി നെടുകെ പിളരുമെന്ന് മാത്രമല്ല, ഇക്കുറി പരമ്പരാഗത ഹിന്ദുവോട്ടുകളും മമതയ്ക്ക് കിട്ടാന് സാധ്യത കുറവാണ്. കാരണം കഴിഞ്ഞ അഞ്ച് വര്ഷത്തെ അവരുടെ ന്യൂനപക്ഷ പ്രീണനം അത്രയ്ക്ക് വെറുപ്പിക്കുന്നതായിരുന്നു.
