തിരുവനന്തപുരം: ഗുരുനാഥ എന്ന നിലയില്‍ ആദരിക്കാനെന്നു പറഞ്ഞാണ് കെ എസ് ശബരീനാഥന്‍ ,ഡോ. വിജയലക്ഷ്മിയെ വിളിച്ചത്. രാഷ്‌ട്രീയമായി എതിര്‍ ചേരിയിലാണെങ്കിലും തന്റെ പ്രിയ ശിക്ഷ്യന്റെ ആഗ്രഹത്തിന് എതിരുനില്‍ക്കാന്‍ ഗുരുനാഥയുടെ മനസ്സ് അനുവദിച്ചില്ല. ബിജെപി മുന്‍ പൂജപ്പുര കൗണ്‍സിലറായ ജയലക്ഷ്മി ആദരവ് ഏറ്റുവാങ്ങാനെത്തി. കെ മുരളീധരന്‍ ഷാള്‍ അണിയിച്ചു.
തിരുവനന്തപുരത്ത് മേയര്‍ സ്ഥാനാര്‍്ത്ഥിയായി കോണ്‍ഗ്രസ് ഉയര്‍ത്തിക്കാട്ടി മത്സരിപ്പിക്കുന്നത് മുന്‍ എംഎല്‍എ കൂടിയായ ശബരീനാഥനെയാണ്. നഗരസഭയില്‍ ഭരണം പിടിക്കണം എന്ന വാശിയില്‍ തെരഞ്ഞെടുപ്പ് ചുക്കാന്‍ പിടിക്കുന്നത് കെ മുരളീധരനും.
കോണ്‍ഗ്രസിന്റെ രാഷ്‌ട്രീയ പാപ്പരത്വം അവിടെയായിരുന്നില്ല. ഡോ. വിജയലക്ഷ്മി കോണ്‍ഗ്രസില്‍ ചേര്‍ന്നെന്ന് വ്യാജ പ്രചരണം നടത്തി. സാമൂഹ്യമാധ്യമങ്ങളില്‍ ബിജെപി മുന്‍ കൗണ്‍സിലര്‍ കോണ്‍ഗ്രസില്‍ ചേര്‍ന്നു എന്നതരത്തില്‍ വാര്‍ത്ത വൈറലായി.
തിരുമലയില്‍ നടന്ന ബിജെപി പൊതുയോഗത്തില്‍ വിജയലക്ഷ്മി കോണ്‍ഗ്രസിന്റെ നെറികെട്ട രാഷ്‌ട്രീയം തുറന്ന് കാട്ടി. തെരഞ്ഞെടുപ്പു പ്രചാരണത്തില്‍ സജീവമായ വിജയലക്ഷ്മി , ബിജെപി വിട്ടൊരു രാഷ്‌ട്രീയത്തെക്കുറിച്ച് ചിന്തിച്ചിട്ടേ ഇല്ലന്നും വ്യക്തമാക്കി.
കോണ്‍ഗ്രസിന് ഷാളിന്റെ 100 രൂപ നഷ്ടപ്പെട്ടത് മിച്ചമെന്ന് യോഗത്തില്‍ പങ്കെടുത്ത മുന്‍ അധ്യക്ഷന്‍ കെ സുരേന്ദ്രന്‍ കളിയാക്കി
